عراق اور ایران نےڈونلڈ ٹرمپ کے وارنٹ گرفتاری جاری کر دئیے

 (24نیوز)عراق کی عدالت نے امریکی سابق صدر ٹرمپ کے وارنٹ گرفتاری جاری کردیے۔غیر ملکی خبرایجنسی کے مطابق عدالت نےایرانی کمانڈر جنرل قاسم سلیمانی کےقتل کےالزام میں ٹرمپ کےوارنٹ جاری کیے۔

تفصیلات کے مطابق ٹرمپ کا کہنا ہے کہ  قاسم سلیمانی کو بہت پہلے ختم کردینا چاہیے تھا۔جنرل قاسم سلیمانی گذشتہ جنوری میں بغداد ائیرپورٹ پرامریکی ڈرون حملے میں مارےگئےتھے۔اس سے قبل ایران نے بھی جنرل قاسم سلیمانی کے قتل کے خلاف امریکی صدر ٹرمپ کے وارنٹ گرفتاری جاری کیے تھے اور امریکی صدر ٹرمپ کی گرفتاری میں مدد کے لیے ایران نے انٹرپول سے بھی مدد مانگی تھی۔

واضح ر ہے کہ 3 جنوری 2020 کو ایرانی پاسدارانِ انقلاب کی قدس فورس کے سربراہ میجر جنرل قاسم سلیمانی عراق میں امریکی راکٹ حملے میں جاں بحق ہوگئے تھے۔ عراقی دارالحکومت بغداد پہنچنے پر جنرل سلیمانی کا عراقی ملیشیا کمانڈر ابو مہدی ال مہندیس نے استقبال کیا، دونوں ایک گاڑی میں سوار ہوئے، ائیرپورٹ کے قریب قافلے پر چار راکٹ مارے گئے، جس میں 9 افراد جاں بحق ہوئے، ان میں قاسم سلیمانی بھی تھے۔