عاطف اسلم کو ہنی سنگھ نے اپنا بھائی قراردے دیا،تصویر وائرل
ہنی سنگھ نے کیپشن میں لکھابے حد محبت کرنےوالے بھائی،مارچ میں پیدا ہونے والے بھائی
Stay tuned with 24 News HD Android App
(ویب ڈیسک)بھارتی گلوکارہنی سنگھ نے پاکستانی نامور گلوکار عاطف اسلم سے ملاقات کی تصویر شیئر کردی۔
ہنی سنگھ نے فوٹو اینڈ ویڈیو شیئرنگ ایپ انسٹاگرام پرعاطف اسلم کے ساتھ ملاقات کی تصویر شیئر کرتے ہوئے انہیں اپنا بے حد محبت کرنے والا بھائی قراردے دیا ۔
اس تصویر میں دونوں موسیقاروں کو خوشگوار موڈ میں دیکھا جا سکتا ہے،تصویر کے ساتھ ہنی سنگھ نے کیپشن میں لکھا"بے حد محبت کرنے والے بھائی!! مارچ میں پیدا ہونے والے بھائی۔"
ہنی سنگھ نے ہیش ٹیگز کا استعمال کرتے ہوئے بھارت، پاکستان، اور موسیقی کے لیے اپنی محبت کا اظہار کیا، اس تصویرپر دونوں ممالک کے شائقین کی جانب سے مثبت ردعمل دیکھنے کو مل رہا ہے۔
واضح رہے کہ ہنی سنگھ اور عاطف اسلم دونوں اپنے اپنے ممالک سمیت دنیا بھر میں بے حد مقبول ہیں اور کئی سپرہٹ گانے دے چکے ہیں جنہیں شائقین آج بھی پسند کرتے ہیں،تاہم گزشتہ چند سالوں سے دونوں ممالک کے فنکاروں کے ایک ساتھ کام کرنے پر پابندی ہے۔
سوشل میڈیاپربعض لوگ یہ تبصرہ بھی کررہے ہیں کہ دونوں گلوکارشایدکوئی مشترکہ میوزک پراجیکٹ پر کام کررہے ہیں۔