اننیا پانڈے کے امریکی ماڈل سے تعلقات،اداکارہ نے شادی کا پلان بتا دیا
Stay tuned with 24 News HD Android App
(ویب ڈیسک)بالی ووڈ کی خوبرو اداکارہ و ماڈل اننیا پانڈے اور سابق امریکی ماڈل واکر بلانکو کے درمیان اس وقت سے تعلقات کی افواہیں گردش میں ہیں جب ان کی ایک شادی کی تقریب میں ڈانس ویڈیو وائرل ہوئی۔
ویڈیو منظرِ عام پر آنے کے بعد اننیا اور واکر نے سوشل میڈیا پر ایک دوسرے کی پوسٹس پر ردعمل دیا اور سالگرہ کی مبارکباد دی تو تعلقات کی افواہوں کو مزید تقویت مل گئی،تاہم اننیا اور واکر نے باضابطہ طور پر اپنے تعلقات کی تاحال تصدیق نہیں کی ۔
ایک حالیہ انٹرویو میں اننیا نے اپنی ذاتی اور پیشہ ورانہ زندگی کے آئندہ پانچ سالہ منصوبے پر گفتگوکرتے ہوئے کہاہے کہ امید ہے آنے والے 5 سالوں تک میں شادی شدہ ہوں گی،ایک خوشحال اور مستحکم گھر ہوگا، بچے پلان کر رہی ہوں گی اور بہت سے کتے بھی پالے ہوئے ہوں گے۔
اس سے قبل فلم فیئر سے گفتگو کے دوران اننیا نے طویل فاصلے کے تعلقات پر بھی اپنے خیالات کا اظہار کیا تھا جس کے بعد ان کے اور بلانکو کے رشتے کے حوالے سے افواہیں مزیدتیزہوگئی تھیں،ان کاکہناتھاکہ کبھی کبھار کچھ فاصلہ رکھنا صحت مند ہوتا ہے، 45 دن نہ ملنا اتنا برا نہیں،دوری دلوں کو قریب لاتی ہے۔
یہ بھی پڑھیں:"اسکوئڈ گیم" اسٹار وی ہا جون کی کنچے کھیلنے کی ویڈیو وائرل
یاد رہے کہ اننیا پانڈے بھارتی اداکار چنکی پانڈے کی بیٹی ہیں جوکھو گئے ہم کہاں،کال می بے اور کنٹرول جیسی فلموں میں اداکاری کے جوہردکھاچکی ہیں،ماڈلنگ میں بھی اننیانے خودکومنوایاہے۔