(ویب ڈیسک) امریکی جریدے فوربز نے ٹیسلا اور اسپیس ایکس کے مالک ایلون مسک کو دنیا کا امیر ترین شخص قرار دے دیا۔
امریکی جریدے فوربز نے دنیا کے امیر ترین افراد کی فہرست جاری کی ہے جس کے مطابق ایلون مسک جو ٹیسلا اور اسپیس ایکس کے مالک ہیں، پہلے نمبر پر ہیں ان کی مجموعی دولت 425.2 ارب ڈالرز سے تجاوز کر چکی ہے۔
فہرست میں ایلون مسک کے بعد ایمازون کے بانی جیف بیزوس دوسرے نمبر پر ہیں جن کی دولت 241 ارب ڈالرز ہے۔
جیف بیزوس نے 1994ء میں ایمازون کی بنیاد رکھی تھی۔
دنیا کے امیر ترین افراد کی فہرست میں تیسرا نمبر مارک زکر برگ کا ہے جو میٹا کے مالک ہیں اور جن کی دولت 217.7 ارب ڈالر تک پہنچ چکی ہے۔
کمپیوٹر سافٹ ویئر کمپنی ’اوریکل‘ کے چیف ٹیکنالوجی آفیسر، ایلیسن 209 ارب ڈالرز کے ساتھ چوتھے نمبر پر ہیں۔
نومبر 2024 میں ایلیسن کی دولت 228 ارب ڈالرز سے زیادہ تھی اور وہ بیزوس کے ساتھ دنیا کے دوسرے امیر ترین شخص بننے کی دوڑ میں شامل تھے مگر دسمبر کے آغاز میں ان کی دولت میں کمی آئی۔
ایلیسن اوریکل کے تقریباً 40 فیصد کے مالک ہیں اور اس کمپنی میں چیئرمین، چیف ٹیکنالوجی آفیسر اور کوفاؤنڈر کے طور پر کام کر رہے ہیں۔
یہ بھی پرھیں:یورپی سیاحوں کو لے کر جانیوالا طیارہ سمندر میں گر گیا، 3 افراد ہلاک