دنیا کے طاقتور ترین پاسپورٹس کی فہرست جاری، پاکستان کا نمبر کیا ہے؟

(ویب ڈیسک) حکومت نے معیشت کو سنبھالنے میں بھرپور کوششیں کی ہیں جس کے نتیجے میں ڈیفالٹ کا خطرہ تو ٹل چکا ہے لیکن دوسری جانب پاکستانی پاسپورٹ ابھی بھی طاقتور ترین پاسپورٹس کی فہرست میں سال 2025 کے آغاز پر سب سے نچلے ممالک میں شامل ہے۔

ہینلے اینڈ پارٹنرز کی جانب سے جاری کی گئی رینکنگ کے مطابق دنیا کا سب سے طاقتور پاسپورٹ سنگاپور کا ہے جس کے شہریوں کو 195 ممالک میں ویزا فری رسائی حاصل ہے۔ 

دوسرے نمبر پر جاپان، تیسرے نمبر پر فن لینڈ، فرانس، جرمنی، اٹلی، جنوبی کوریا اور سپین ہیں۔ چوتھے نمبر پر آسٹریا، ڈنمارک، لکسمبرگ، نیدرلینڈ، ناروے اور سویڈن ہیں۔ 

پانچویں نمبر پر بیلجیئم، نیوزی لینڈ، پرتگال، سویٹزرلینڈ اور برطانیہ، چھٹے نمبر پر آسٹریلیا اور یونان، ساتویں نمبر پر کینیڈا، مالٹا اور پولینڈ، آٹھویں نمبر پر جمہوریہ چیک اور ہنگری، نویں نمبر پر ایستونیا اور امریکہ ہیں۔

اس کے علاوہ متحدہ عرب امارات دنیا کا دسواں طاقتور ترین پاسپورٹ قرار دیا گیا ہے۔

طاقتور ترین پاسپورٹس کی فہرست میں روس اور ترکیہ 46 ویں نمبر پر، جنوبی افریقہ 48 ویں، کویت 50 ویں، سعودی عرب 58 ویں، چین 60 ویں، بھارت 85 ویں، بنگلہ دیش اور فلسطین 100 ویں نمبر پر، اور پاکستان 103 نمبر پر ہے, سب سے آخر میں افغانستان 106 ویں پوزیشن پر موجود ہے۔

مزید پڑھیں:ایلون مسک دنیا کے امیر ترین شخص قرار