(24 نیوز) بھارتی فلموں کے معروف اداکار دلیپ کمار کا بدھ کے روز انتقال ہو گیا تھا ان کی وفات پر صرف شوبز سے وابستہ شخصیات صدمے میں نہیں بلکہ پاکستان اور بھارت کے مشہور کرکٹر زبھی انتہائی افسردہ ہیں ۔
تفصیلات کے مطابق پاکستان کے وزیراعظم عمران خان جو کہ کرکٹ کی دنیا کے بے تاج بادشاہ رہے انہوں نے اپنے ایک ٹویٹ میں اداکار دلیپ کمار کی وفات پر گہرے دکھ کا اظہار کیا ہے۔
ہندوستانی ٹیم کے نامور کھلاڑی سچن ٹندولکر نے بھی اپنے ٹویٹر پیغام میں کہا کہ ہم آپ کی کمی محسوس کریں گے۔
پاکستان کے لیجنڈ آل راؤنڈر شاہد آفریدی نے ٹویٹ کرتے ہوئے لکھا ہے کہ ’ آپ ہمیشہ ہمارے دلوں میں ہیں‘
دلیپ کمار کی موت پر افسردہ بھارتی کھلاڑی روی شاستری نے بھی پر ٹویٹ کرکے تعزیت پیش کی اور اپنے پیغام میں لکھا کہ دلیپ کمار کی موت کا جان کر بڑا دکھ ہوا۔
بھارت کے کھلاڑی یوسف پٹھان نے بھی دلیپ کمار کی وفات پر اپنے پیغام میں کہا ہے کہ بھارتی فلموں کے ایک باب کا خاتمہ ہو گیا ہے۔
یہ بھی پڑھیں: دلیپ کمار اور سائرہ بانو اداکار شاہ رخ کو اپنا بیٹا سمجھتے تھے