ٹیسٹ کرکٹر کامران اکمل کا بکرا چوری ہو گیا

 (ویب ڈیسک )قومی ٹیسٹ کرکٹر کامران اکمل کا قربانی کے لیے لایا گیا ایک بکرا گھر کے باہر سے چوری ہو گیا۔

تفصیلات کے مطابق کامران اکمل کے والد کا کہنا ہے کہ عیدالاضحیٰ پر قربانی کے لیے 6 بکرے خرید کر لائے تھے، رات گئے ان میں سے 1 بکرا چوری ہو گیا ہے۔گھر کے باہر بندھے بکروں کے پاس موجود ملازم کی آنکھ لگ گئی۔ اٹھ کر دیکھا تو ایک بکرا  کم تھا۔ملازم کے سوتے ہوئے سب سے اچھے والا بکرا چور لے اڑے۔ نجی ہاوسنگ اتھارٹی کی سیکیورٹی کو بکرے چوری کا بتایا ہے۔  سیکورٹی نے یقین دلایا ہے کہ وہ چوروں پتہ چلانے کی کوشش کریں گے ۔

انہوں نے یہ بھی بتایا ہے کہ بکرے کی چوری سے متعلق نجی ہاؤسنگ اتھارٹی کی سیکیورٹی کو آگاہ کر دیا ہے۔