(ویب ڈیسک )بھارت میں مودی حکومت کی زیرقیادت انتہا پسند ہندوحکمران جماعت بی جے پی کی تعصب پرستی کی مثال نہیں ملتی۔ تازہ ترین واقعہ بھارتی ریاست کرناٹک کا ہے جہاں حجاب کرنے پر مسلمان لڑکیوں کا اسکول بند کردیا گیا۔
تفصیلات کے مطابق کرناٹک میں گذشتہ تقریباً کئی ماہ سے کئی کالجوں میں حجاب پرطالبات اور انتظامیہ کے درمیان اختلاف جاری ہے اور یہ معاملہ ہائی کورٹ تک بھی جا پہنچا لیکن اس کے باجود حکومت کی جانب سے حجاب کرنے والی طالبات پربلاجوازپابندیوں کا سلسلہ جاری ہے۔کرناٹک میں مسلمان طالبات کے فاروقیہ اسکول کو بھی حجاب پرپابندی کی خلاف ورزی کا بہانہ بنا کربند کیاگیا ہے، اس ضمن میں مقامی حکام نےانتظامیہ کی جانب سے اسکول کھولنے کی درخواستمسترد کرتے ہوئے کہا ہے کہ جب تک طالبات حجاب کے بغیر نہیں آتیں اسکول نہیں کھولا جائے گا۔
اس پابندی کے بعد سوشل میڈیا پر ویڈیووائرل ہوئی جس میں اسکول کی طالبہ کو فیصلے پر زاروقطار روتے دیکھا جاسکتا ہے،اسلاموفوبیا کے خلاف آواز اٹھانے والے صحافی وارلیمن نے ٹوئٹرپر ویڈیو شیئرکرتے ہوئے اس اقدام کی مذمت کی۔
وارلیمن نے سوال اٹھایا کہ جب طالبان کی جانب سے لڑکیوں کی تعلیم پرپابندی عائد کی جائے تو مغربی فیمنسٹ چیخ پڑتے ہیں لیکن جب بھارت میں ہندوتوا کے پیروکار ایساکریں تو مکمل خاموشی کیوں۔اس فیصلے کے خلاف فاروقیہ اسکول میں آٹھویں سے دسویں جماعت تک کی سیکڑوں مسلمان طالبات نے اپنے بند اسکول کے سامنے احتجاج کیا۔