(24نیوز)مہنگائی نے عام آدمی کا جینا محال کر دیا ہے، لاہور میں مہنگی سبزیوں اور پھلوں کے بعد عام آدمی کیلئے مرغی کا گوشت بھی قوت خرید سے باہر ہونے لگا ۔
لاہور میں مرغی کے گوشت کی قیمت ایک مرتبہ پھر بڑھ گئی، ایک ہی دن میں چکن کی فی کلو قیمت میں 37 روپے کا اضافہ کر دیا گیا ہے، مارکیٹ میں مرغی کا گوشت 421 روپے فی کلو میں ملنے لگا ہے۔
شہریوں کا کہنا ہے کہ مٹن اور بیف خریدنے کی تو پہلے ہی سکت نہیں اب چکن بھی ان کی پہنچ سے دور ہوتا جا رہا ہے۔
دوسری جانب مرغی فروشوں کا کہنا ہے کہ قیمت انتظامیہ مقرر کرتی ہے، چکن مہنگا ہونے سے ان کی دکانیں خالی پڑی ہیں، گاہک بہت کم آ رہے ہیں۔
شہریوں نے مطالبہ کیا کہ حکومت مہنگائی میں کمی کے لیے فوری اقدامات کرے تاکہ عام آدمی کو ریلیف مل سکے۔