(24 نیوز)اداکارہ یمنیٰ زیدی ڈرامہ سیریل ’دل ناامید تو نہیں‘ میں ایک جسم فروش لڑکی کا کردار ادا کر رہی ہیں اور ان کا یہ کردار لوگوں کے دلوں میں تیزی سے جگہ بنا رہا ہے۔
تفصیلات کے مطابق اپنے اس کردار کے حوالے سے یمنیٰ زیدی کا کہنا ہے کہ ”میں نے اس ڈرامے میں اس لئے کام کیا کیونکہ اس میں مجھے ایک جسم فروش لڑکی کا کردار مل رہا تھا اور میری خواہش تھی کہ میں یہ کردار کروں۔“
ویب سائٹ کے مطابق یمنیٰ زیدی کا کہنا تھا کہ ”میری شکل و صورت ایسی ہے کہ میں اس طرح کے کردار کے لئے موزوں نہیں ہوں۔ مجھ میں اتنی نزاکت نہیں ہے جو اس طرح کے کردار کے لئے مطلوب ہوتی ہے۔ لہٰذا میں جانتی تھی کہ مجھے ایسا کردار کوئی پروڈیوسر یا ڈائریکٹر نہیں دے گا لہٰذا میں نے یہ ڈرامہ سائن کر لیا۔
رپورٹ کے مطابق ’دل ناامید تو نہیں‘ یمنیٰ زیدی کا پہلا ڈرامہ ہے جسے پیمرا کی طرف سے بھی نوٹس بھیجا جا چکا ہے۔ پیمرا کے نوٹس پر یمنیٰ زیدی کا کہنا تھا کہ ”اس ڈرامے پر نوٹس ملنے پر مجھے بہت تکلیف ہوئی کیونکہ یہ ڈرامہ میرے لئے الگ حیثیت رکھتا ہے اور میں اس کی ہر قسط دیکھتی ہوں۔
یہ بھی پڑھیں:ویسٹ انڈیز اور جنوبی افریقہ کے درمیان پہلا ٹیسٹ 10 جون سے شروع ہو گا