کوروناامدادی پیکج: امریکی شہریوں کو 1400 ڈالر ملیں گے
Stay tuned with 24 News HD Android App
(24 نیوز)امریکی ایوان بالا نے کورونا سے متعلق معاشی مشکلات سے نمٹنے کے لئے صدر جو بائیڈن کے مجوزہ ریلیف پیکج کی منظوری دے دی ہے۔ریلیف پیکج کے تحت امریکی شہریوں کو ایک مرتبہ1400 ڈالر کی امداد دی جائے گی۔
غیر ملکی میڈیا رپورٹس کے مطابق امریکہ کے ایوان بالا کے ریپبلکن اراکان سینیٹ نے 1.9 کھرب ڈالر کے اس پیکج کی بھرپور مخالفت کی۔ امریکی صدر جو بائیڈن نے بل کی منظوری کو عوام سے اپنے وعدے پورے کرنے کی سمت ایک بڑا قدم قرار دیا۔ اس پیکج کے تحت بیشتر امریکی شہریوں کو ایک مرتبہ 1400 ڈالر کی امداد دی جائے گی جبکہ بیروزگار ہو جانے والوں کو ستمبر تک 300 ڈالر فی ہفتہ رقم مہیا کی جائے گی۔