سینٹ الیکشن۔۔گیلانی نے فوزیہ ارشد سے تین گنا زیادہ خرچہ کیا

(24نیوز)3مارچ کو ہونیوالے سینٹ الیکشن کے سلسلے میں اسلام آباد کی دو نشستوں سے کامیاب امیدواروں نے اخراجات کی تفصیلات جمع کرادیں۔
ذرائع کے مطابق یوسف رضاگیلانی اور فوزیہ ارشد نے ریٹرننگ افسر ظفر اقبال ملک کو اخراجات کی تفصیلات جمع کرائیں،اخراجات کی تفصیل کے مطابق یوسف رضا گیلانی نے سینٹ انتخابات میں 1 لاکھ 95 ہزار روپے کے اخراجات کئے جبکہ پی ٹی آئی کی فوزیہ ارشد نے صرف 50 ہزار روپے خرچ کئے۔
 اس طرح دونوں امیدواروں کے اخراجات مقررہ حد میں رہے، ریٹرننگ افسر نے اخراجات کی مکمل تفصیلات الیکشن کمیشن کو بھیج دیں، الیکشن کمیشن تمام کامیاب امیدواروں کی جانب سے اخراجات کی تفصیلات جمع ہونے پر کامیابی کے نوٹیفکیشن جاری کرے گا۔