بغیر میڈیکل ٹیسٹ اور ڈرائیونگ کا امتحان دیئے لائسنس کیسے بنے گا۔۔؟ ۔مشکل آسان 

 (24نیوز) شہری نے بغیر میڈیکل ٹیسٹ اور ڈرائیونگ کا امتحان دیے لائسنس بنوانے کا آسان طریقہ بتادیا ، 25 سو سے 3ہزار روپے رشوت دیں اور گھر بیٹھے لائسنس حاصل کریں۔
تفصیلات کے مطابق بغیرمیڈیکل ٹیسٹ اور ڈرائیونگ کا امتحان دیے لائسنس کیسے بنے گا؟ ڈی ایل کورنگی ایم وی آئی ملازم  نے مشکل آسان کردی، 25 سو سے 3 ہزار روپے رشوت دیں اور گھر بیٹھے لائسنس حاصل کریں۔

شہری نے کورنگی ڈی ایل برانچ کے اہلکار کی خفیہ ویڈیو بنالی ، ویڈیومیں اہلکارکو رشوت لیتے دیکھا جاسکتا ہے۔ 
ویڈیوبنانے والے شہری نے بتایا کہ پہلے میں نے فیس جمع کرائی تونظر کے ٹیسٹ میں فیل ہوگیا پھرمیرا کسی نے اہلکار سے رابطہ کرایا، بغیرٹوکن حاصل کیے اس نے مجھے سیدھا اندر بلالیا، فیس کے علاوہ مجھ سے3 ہزار مانگے گئے تو 25 سو میں طے پایا۔شہری کا کہنا تھا کہ اسی وقت ٹوکن نکلوا کر دوبارہ سے پراسس شروع کرا دیا، نہ میڈیکل ٹیسٹ ہوانہ ڈرائیونگ ٹیسٹ، سب کچھ کلیئرکرادیا، ایک روز کے اندر میرے گھر پر کورئیر سے لائسنس آگیا۔