آسٹریلوی کھلاڑی اپنے پوسٹرز دیکھ کر حیران ۔مارنوس لبوشن کا رد عمل سامنے آ گیا

Mar 08, 2022 | 13:27:PM
مارنوس لبوشن،فائل فوٹو
کیپشن: مارنوس لبوشن،فائل فوٹو
Stay tuned with 24 News HD Android App
Get it on Google Play

 (ویب ڈیسک)راولپنڈی کرکٹ اسٹیڈیم میں میچ کے دوران شائقین کرکٹ کی طرف سے مارنوس لبوشین کو سب سے زیادہ پیار اور احترام ملا اور لوگ ان کے نام کے پوسٹرز لے کر اسٹیڈیم پہنچے۔

سوشل میڈیا پر کہا جارہا ہے کہ پہلے  ٹیسٹ میچ میں شائقین کرکٹ کے آسٹریلوی کھلاڑی کے لیے ڈھیروں پیغامات ،مارنوس سے منسلک پوسٹرز پر کسی نے ان کے نام کا مشکل تلفظ پوچھا تو کوئی ان سے کافی کی فرمائش کرتا رہا تاہم کرکٹر پنڈی سٹیڈیم میں اپنے کئی پوسٹرز دیکھ کر حیران رہ گئے اور انہوں نے سوشل میڈیا پوسٹس کے ذریعے مداحوں کا شکریہ ادا کیا۔

پہلے ٹیسٹ کے آخری روز میچ کے آغاز سے قبل مارنوس لبوشین نے ٹوئٹر پر جاری بیان میں کہا کہ مجھے راولپنڈی میں شائقین کے تمام تر پوسٹرز بہت پسند آئے ہیں، پاکستان میں خوش آمدید کہنے والوں کا شکرگزار ہوں۔ٹوئٹ میں انہوں نے یہ بھی کہا کہ اس ٹوئٹ پر اپنے پوسٹرز شیئر کریں تاکہ میں بھی ان پر اپنا ردعمل دوں۔

 مارنوس کو جو پوسٹر سب سے زیادہ پسند آیا اس پر درج تھا کہ مارنوس لبوشین سے ہوشیار رہیں، یہ پورے دن یہی کہیں گے کہ رن نہیں لینا اور آخر میں سنچری کردیں گے۔

مارنوس کے نام کے حوالے سے پریشان شائقین کرکٹ کیلئے بنایا گیا پوسٹر شیئر کرتے ہوئے آسٹریلوی کرکٹر نے کہا کہ جو بھی نام سرچ کررہے ہیں اُن کے لیے یہاں جواب میسر ہے۔

 ایک پوسٹر میں مارنوس کے مداح نے ساتھ کافی پینے کی درخواست کی تھی جس پر کرکٹر نے کہا کہ ایک دن میں آپ سب کے لیے کافی کا کیفے کھولوں گا۔

 مارنوس کے پاکستانی مداحوں نے ایک پوسٹر میں لکھا تھا کہ مارنوس ہمیں آپ سے محبت ہے اور ہم جلد آپ کا پورا نام سیکھ جائیں گے جس کے جواب میں مارنوس نے پاکستانی شائقین کا شکریہ ادا کیا۔

یہ بھی پڑھیں:      گائے کے گوشت اور دود ھ میں خوفناک وائرس ،ماہرین نے خبردار کر دیا

دیگر کیٹیگریز: کھیل
ٹیگز:

متعلقہ خبریں