بلاول بھٹو آبدیدہ کیوں ۔؟ویڈیو وائرل 

(ویب ڈیسک)چیئرمین پیپلزپارٹی بلاول بھٹو زرداری گوجرخان میں  خطاب کے دوران عوام کی تکالیف کا ذکر کرتے ہوئے آبدیدہ ہوگئے۔

 بلاول بھٹو کا گوجرخان میں عوامی اجتماع سے خطاب کرتے ہوئے کہنا تھا عوام کو اس کا حق دلوا کے رہیں گے اور قائد کے مشن کو جاری رکھیں گے۔ تمام جماعتوں کی ایک ہی منزل ہے کہ ملک میں صاف و شفاف الیکشن کروانے ہیں ۔ انہوں نے کہا کہ سلیکٹڈ حکومت کو گھر بھیجنا ہے  اس لیے ضروری ہے کہ انتخابی اصلاحات اور صاف و شفاف الیکشن کی طرف بڑھا جائے۔

   اس سے قبل گجرات میں عوامی مارچ سے خطاب کرتے ہوئے بلاول بھٹو زرداری نے کہا کہ عمران خان آپ کے ووٹوں کی وجہ سے نہیں امپائر کی انگلی کی وجہ سے اقتدار میں ہیں، وہ اتنے خوفزدہ ہیں کہ اب وہ گالی دینے پر اتر آئے ہیں۔انہوں نے کہا کہ عمران خان میں ہمت ہے تو 24 گھنٹے میں اسمبلی توڑیں اور نئے الیکشن میں ہمارا مقابلہ کریں۔

گوجر خان میں خطاب کے دوران عوام کی تکالیف کا ذکر کرتے ہوئے چیئرمین بلاول بھٹو زرداری آبدیدہ ہوگئے۔@BBhuttoZardari #عمران_استعفی_دو
#AwamiMarch pic.twitter.com/Z5bk2zx7mk

— PPP Punjab (@PPPPunjab_SM) March 8, 2022

واضح رہے کہ  پیپلزپارٹی کا عوامی مارچ اسلام آباد کی جانب رواں دواں ہے، مارچ کے استقبال کے لیے جگہ جگہ استقبالیہ کیمپ لگائے گئے جبکہ جیالوں نے ڈھول کی تھاپ پر بھنگڑے بھی ڈالے، کہیں بینڈ باجے کی دھنوں پر پیپلزپارٹی کے ترانے بجائے گئے تو کہیں بلاول بھٹو زرداری کے استقبال کے لیے گھوڑےسجاکر لائے گئے ۔

 یہ بھی پڑھیں:    مخالفین کی ہر سازش کا مقابلہ کرنے کیلئے تیار ہوں :عمران خان