پی ایس ایل 8: فول پروف سیکیورٹی پر آئی سی سی عہدیدار راولپنڈی پولیس کے معترف

(ویب ڈیسک) انٹرنیشنل کرکٹ کونسل کے نمائندے نے راولپنڈی پولیس کی جانب سے گیریژن سٹی کے کرکٹ اسٹیڈیم میں منعقد ہونے والے پاکستان سپر لیگ کے میچوں میں شرکت کرنے والے کرکٹرز کی حفاظت کے انتظامات کو سراہا۔

آئی سی سی عہدیدار ڈیوڈ اسنیئر نے سٹی پولیس آفیسر سید خالد محمود ہمدانی سے بھی ملاقات کی اور پاکستان سپر لیگ کیلئے سیکیورٹی انتظامات کا جائزہ لیا۔

پولیس کے ترجمان نے بتایا کہ سی پی او خالد محود ہمدانی نے پی ایس ایل کیلئے سیکیورٹی ڈیوٹی کے جائزے کے دوران آئی سی سی کے سیکیورٹی عہدیدار سے ملاقات کی۔

ترجمان نے سی پی او کے حوالے سے بتایا کہ میں بین الاقوامی کھلاڑیوں کیلئے حفاظتی انتظامات دیکھ رہا ہوں اور بہت اچھا کام کرنے پر ان کی اور راولپنڈی پولیس کی تعریف کی۔

"Your men are doing a good job"

Words of appreciation for CPO by Mr. David Snare Pesi Security Official for int'l players #PSL8. Under the command of CPO Syed Khalid Hamdani; @RwpPolice is ensuring foolproof security to make this event safe & fun for everyone. #RwpPoliceForPSL pic.twitter.com/apTprezVKu

— Rawalpindi Police (@RwpPolice) March 5, 2023

دریں اثناء راولپنڈی پولیس نے ٹوئٹر پر ایک ویڈیو پوسٹ کی جس میں پولیس افسر اور آئی سی سی عہدیدار کے درمیان ہونے والی گفتگو کو دکھایا گیا، جس میں ان کا کہنا تھا کہ سی پی او پی ایس ایل سیکیورٹی کے حوالے سے ’اچھا کام کر رہے ہیں‘۔

ٹوئٹ میں آئی سی سی عہدیدار کے حوالے سےکہا گیا کہ سی پی او سید خالد ہمدانی کی کمان میں راولپنڈی پولیس ایونٹ کو ہر کسی کیلئے محفوظ اور پر لطف بنانے کیلئے فول پروف سیکیورٹی کو یقینی بنا رہی ہے۔