(ویب ڈیسک)بھارتی فلم انڈسٹری کی عہد ساز اداکارہ اوررقاصہ وجنتی مالا کے انتقال کی خبروں پر ان کے مداح پریشان ہوگئے تھے ،تاہم اب ان کے بیٹے کا بیان سامنے آگیاہے۔
16 سال کی عمر میں بالی ووڈ میں فلمی کیریئر کا آغاز کرنے والی وجنتی مالا کو 1954 میں فلم "ناگن" نے شہرت کی بلندیوں پر پہنچا دیا تھا،اس کے بعداگلے ہی برس 1955 کی فلم’’دیو داس‘‘ میں وجنتی مالا نے چندرا مکھی کا کردار ادا کیا جو امر ہوگیا۔
وجنتی مالا نے سنگم، جویل تھیف، آمرا پالی، گنوارسمیت کئی متعدد ہٹ فلموں میں اداکاری کے جوہردکھائے تھے۔
91 سالہ وجنتی مالا کو گزشتہ برس ہی بھارت کا دوسرا اعلیٰ ترین سویلین اعزاز پدما وبھوشن دیاگیا تھا۔
وجنتی مالا کی اچانک موت کی خبروں نے مداحوں کو غمزدہ کردیا تھا تاہم ان کے بیٹے سوچندرہ بالی نے ان افواہوں کی تردید کرتے ہوئے کہاہے کہ ان کی والدہ بالکل ٹھیک اور صحت مند ہیں۔
اداکارہ اوررقاصہ وجنتی مالا کے بیٹے نے میڈیا سے اپیل کی کہ بغیر تصدیق کیے کوئی خبر چلانے سے گریز کریں،ایسی خبریں اہل خانہ پر قیامت پر بن ٹوٹتی ہیں۔
گلوکار و موسیقار گری جے شنکر سندریسن نے بھی اپنے انسٹاگرام اکاؤنٹ پر ان اطلاعات کی تردید کی ہے۔
یہ بھی پڑھیں:شادی کی ہے لیکن شوبزنہیں چھوڑا:نیلم منیر
واضح رہے کہ اس سال جنوری میں وجنتی مالا نے چنائی کے کالا پرادرشینی ڈانس اسکول میں بھرتناٹیم پرفارم کیا تھا جس میں گری جے شنکر سندریسن نے گلوکاری کی تھی۔