ماوراحسین سلمان خان اور رنبیر کپور کیساتھ کام کرنے کی خواہش مند
Stay tuned with 24 News HD Android App
(ویب ڈیسک)معروف اداکارہ اور ماڈل ماورا حسین نے بالی ووڈ کے دو بڑے سپر اسٹارز کیساتھ کام کرنے کی خواہش کا اظہار کردیا۔
بھارتی میڈیا کو دیئے گئے ایک حالیہ انٹرویو میں ماوراحسین نے کہاکہ وہ سلمان خان اور رنبیر کپور کے ساتھ کام کرنا چاہتی ہیں۔
ماورا حسین نے اپنی 2016 میں ریلیز ہونے والی فلم "صنم تیری قسم" کی دوبارہ کامیاب ریلیز پر خوشی کا اظہار کرتے ہوئے کہا کہ جس وقت جتنا لکھا ہوتا ہے اتنا ہی ملتا ہے۔
ماورا حسین نے سلمان خان کی تعریف کرتے ہوئے کہاکہ وہ ان کی کئی فلمیں دیکھ چکی ہیں، خاص طور پر "ہم دل دے چکے صنم" ان کی پسندیدہ فلموں میں سے ایک ہے۔
ماورا حسین نے کہا کہ وہ چاہتی ہیں کہ سلمان خان کبھی ریٹائر نہ ہوں اور انہیں موقع ملے تو وہ سلمان خان کے ساتھ فلم کرنا چاہیں گی۔
ماوراحسین نے رنبیر کپور کے ساتھ ان کی فلم "راک اسٹار" کی طرز پر کسی فلم میں کام کرنے کی خواہش کابھی اظہار کیا ہے۔
واضح رہے کہ خوبرواداکارہ ماوراحسین نے 2016 میں فلم"صنم تیری قسم" سے بالی ووڈ میں انٹری دی تھی جس کے بعد ان کی فلم کے سیکوئل میں بھی مداح انہیں دیکھنے کے خواہش مند ہیں۔