(ویب ڈیسک)بھارتی عدالت نے اداکار نانا پاٹیکر اور دیگر 3 افراد کے خلاف اداکارہ تنوشری دتہ کی جانب سے لگائے گئے جنسی ہراسانی کے الزامات مسترد کردیئے۔
بھارتی میڈیاکی رپورٹس کے مطابق ریاست مہارشٹرا میں واقع اندھیری کی ایک میٹروپولیٹن مجسٹریٹ کی عدالت نے اداکارہ تنوشری دتہ کے"می ٹو" تحریک کے تحت درج کروائے گئے جنسی ہراسانی سے متعلق دومقدمات کو نمٹاتے ہوئے تنوشری دتہ کی جانب سے نانا پاٹیکر اور دیگر 3 افراد کے خلاف لگائے گئے جنسی ہراسانی سے متعلق الزامات کو مسترد کر دیا۔
میڈیا رپورٹس کے مطابق معروف اداکار نانا پاٹیکر کے خلاف پہلی ایف آئی آر 5 اکتوبر 2018ء اوردوسری ایف آئی آر 5 دن بعد اوشیوارا پولیس اسٹیشن میں درج کرائی گئی تھی۔
دونوں ایف آئی آرز مارچ 2008ء اور اکتوبر 2010ءمیں پیش آنے والے 2 واقعات سے متعلق تھیں۔
یہ بھی پڑھیں:سلمان خان نےفلم"سکندر"کاکتنامعاوضہ لیا؟حیران کن انکشاف سامنے آگیا
اداکارہ تنوشری دتہ نے ناناپاٹیکر، گنیش اچاریہ، راکیش سارنگ اور عبدالسمیع عبدالغنی صدیقی پر ایک ہندی فلم کے سیٹ پر جنسی طور پر ہراساں کرنے اور توہین کرنے کے الزامات لگائے تھے۔