(ویب ڈیسک) معروف ماڈل و اداکارہ نازش جہانگیر نے اپنی شادی کے حوالے سے اپنی منصوبہ بندی سے پردہ اٹھادیا۔
حال ہی میں اداکارہ نےایک نجی ٹی وی کے پروگرام میں شرکت کی، جہاں انہوں نے مختلف امور پر بات چیت کی۔
دورانِ شو اپنی شادی کے حوالے سے ایک سوال کا جواب دیتے ہوئے نازش جہانگیرنے بتا یا کہ وہ کب شادی کرنے والی ہیں۔
نازش جہانگیر نے کہنا کہ شادی کا ایک وقت مقرر ہے، تو میں اس سے پہلے شادی کیوں کروں؟ کیوں اس کے لیے ہاتھ پیر ماروں جب ہونی ہو گی ہوجائے گی، ابھی کون سا میری عمر نکل رہی ہے یا میرے بال سفید ہو رہے ہیں۔
معروف اداکارہ نے نوجوان لڑکیوں کو مشورہ دیتے ہوئے کہا کہ شادی کے لیے ضروری ہے کہ آپ کی سامنے والے کے ساتھ ہم آہنگی ہو، آپ ایک دوسرے کو سمجھ سکیں اور اگر آپ سامنے والے کو سمجھ نہیں سکتے تو جلد بازی میں شادی کا فیصلہ نہ لیں۔
یہ بھی پڑھیں:خواتین کا عالمی دن: صبا قمردیہی خواتین کے درمیان پہنچ گئیں
نازش جہانگیرنے مزید کہاکہ کسی بھی لڑکی کو صرف اس لیے جلد بازی میں شادی کا فیصلہ نہیں لینا چاہیے کہ اس کی عمر نکل رہی ہے بلکہ جب تک وہ سامنے والے کے ساتھ دل سے سکون محسوس نہ کرے اس وقت تک شادی کا فیصلہ نہ کرے۔