نیوزی لینڈ کے کپتان نے بھارتی سپنرز کو چیلنج قرار دیدیا  

(24نیوز)نیوزی لینڈ کرکٹ ٹیم کے کپتان مچل سینٹنر نے بھارتی سپنرز کو چیلنج قرار دے دیا اور کہا کہ دبئی وکٹ پر 250 رنز بھی وننگ سکور ہوسکتا ہے۔

دبئی میں فائنل سے قبل پریس کانفرنس میں مچل سینٹنر نے کہا کہ بھارت کے خلاف کھیلنا بڑا چیلنج ہے، وہ موجودہ کنڈیشن سے بخوبی آگاہ ہیں۔انہوں نے کہا کہ ہم نے یہاں ایک میچ کھیلا ہے، کنڈیشن سےتھوڑی واقفیت ہے، ہمارے کچھ کھلاڑی نئے ہیں، پہلی بار آئی سی سی ٹورنامنٹ کا فائنل کھیل رہے ہیں۔

مچل سینٹنر نے مزید کہا کہ دبئی کی وکٹ سلو ہوگی، بہتر کھیل پیش کرنے کی کوشش کریں گے، ورون چکرورتی اور دیگر بھارتی سپنرز کو کھیلنا کافی چیلنجنگ ہوگا۔

اُن کا کہنا تھا کہ نیوزی کے بیٹرزسپنرز کو بہتر کھیلنے کی صلاحیت رکھتے ہیں، دبئی کی وکٹ پر 250 رنز بھی وننگ سکور ہوسکتا ہے، فائنل کی پیچ کا کچھ نہیں کہا جاسکتا۔

کیوی کپتان نے یہ بھی کہا کہ نیوزی لینڈ کے پیسر میٹ ہنری کے بارے میں فیصلہ کل میچ سے پہلے کیا جائے گا۔

یہ بھی پڑھیں:2005کا زلزلہ؛مظفرآباد میں ملبے سے 20سال بعد 2لاشیں برآمد