(24نیوز)لاہور پولیس میں ایس ایچ اوز کے بڑے پیمانے پر تقرر و تبادلے کر دیئے گئے۔
ڈی آئی جی آپریشنز فیصل کامران نے ایس ایچ اوز کے تقرر و تبادلوں کا نوٹیفکیشن جاری کر دیا۔
نوٹیفکیشن کے مطابق انسپکٹر محمد ندیم اختر ایس ایچ او راوی روڈ تعینات، سب انسپکٹر فریاد اشرف کو راوی روڈ سے ایس ایچ او اسلامپورہ تعینات کر دیا گیا۔
ایس ایچ اواسلامپورہ سب انسپکٹر زاہد محمود کو پولیس لائنز رپورٹ کا حکم، ایس ایچ اوگڑھی شاہو سب انسپکٹر دلاور علی پولیس لائنز کلوز، پولیس لائنز سے انسپکٹر محمد حمزہ نواز ایس ایچ اوگڑھی شاہو تعینات ہو گئے۔
نوٹیفکیشن کے مطابق سب انسپکٹر محمد یونس مصطفیٰ ٹاؤن سے ایس ایچ او گوالمنڈی تعینات، ایس ایچ او گوالمنڈی انسپکٹر غلام باری کو پولیس لائنز رپورٹ کرنے کا حکم دے دیا گیا۔
پولیس لائنز سے سب انسپکٹر ہاشم افتخار ایس ایچ او مصطفیٰ ٹاؤن تعینات، سب انسپکٹر نجم علی کو ایس ایچ او مستی گیٹ تعینات کر دیا گیا۔
نوٹیفکیشن کے مطابق ایس ایچ او مستی گیٹ انسپکٹر محمد اسلم کو پولیس لائنز رپورٹ کرنے کا حکم، پولیس لائنز سے سب انسپکٹر محمد راشد انور انچارج چوکی ایف سی کالج تعینات ہو گئے۔
سب انسپکٹر محمد نعمان چوکی انڈسٹریل ایریا کاہنہ سے انچارج چوکی پھلروان برکی تعینات، جنرل ڈیوٹی شاہدرہ ٹاؤن سے سب انسپکٹر ندیم علی انچارج چوکی انڈسٹریل ایریا کاہنہ تعینات ہو گئے۔