بالی وڈ کنگ خان کا ہمشکل ۔ویڈیو اور تصاویر وائرل

May 08, 2022 | 15:23:PM
شاہ رخ کا ہمشکل، فائل فوٹو
کیپشن: شاہ رخ کا ہمشکل، فائل فوٹو
Stay tuned with 24 News HD Android App
Get it on Google Play

(ویب ڈیسک) بھارتی میڈیا کے ایک انسٹاگرام پیج پر  شاہ رخ کے ہمشکل ابراہیم قادری کی تصاویر کے ساتھ ان کی گفتگو بھی شیئر کی گئی ہے۔


تفصیلات کے مطابق  سوشل میڈیا پر  آئے روز معروف شخصیات کے ہمشکل سامنے آ رہے ہیں، ایسے میں ان دنوں بالی وڈ کنگ شاہ رخ کے ہمشکل کی بھی مختلف ویڈیوز  اور  تصاویر تیزی سے وائرل ہیں۔

سوشل میڈیا پر شیئر کی جانے والی تصاویر میں ابراہیم قادری اور شاہ رخ میں خاصی  مماثلت دیکھی جا سکتی ہے، یہی نہیں ابراہیم قادری کو شاہ رخ جیسا طرز  لباس اور انداز اپنائے بھی دیکھا جاسکتا ہے۔

 بھارتی میڈیا کو دیے گئے انٹرویو میں ابراہیم قادری نے شاہ رخ سے غیر معمولی مشابہت کے حوالے سے پیش آئے واقعات کا بھی ذکر کیا۔

انھوں نے بتایا کہ انھیں کئی بار شاہ رخ خان سمجھ کر مجمع میں لوگوں کی جانب سے گھیرا جا چکا ہے، لوگوں نے ان کے ساتھ تصویریں کھنچوانے کے لیے ان کی شرٹ تک پھاڑ دی، یہاں تک کہ پولیس کو مداخلت کرتے ہوئے مجھے ریسکیو کرنا پڑا۔

 ابراہیم قادری کا کہنا تھا کہ ’میرے والدین کو خاص طور پر اس بات پر فخر ہے کہ انہوں نے ایک ایسے بچے کو جنم دیا جو بھارت کے سُپر اسٹار سے غیر معمولی مشابہت رکھتا ہے۔

 بالی وڈ کنگ کے ہمشکل کا کہنا ہے کہ انھوں نے شاہ رخ کی تمام فلمیں دیکھنا شروع کیں اور ان کے طرزِ عمل کو نقل کرنا شروع کیا، میں اس بات سے بھی متاثر ہوا کہ ہمارے بالی وڈ کے بادشاہ کتنے دلکش، مہربان اور بڑے دل والے ہیں۔

دوران گفتگو ابراہیم کا مزید کہنا تھا کہ وہ ابھی تک سپر اسٹار سے نہیں ملے جب گھر سے باہر جاتو ہون تو لوگ مجھے ہی اصلی شاہ رخ خان سمجھتے ہیں۔ 

یہ بھی پڑھیں:    دانیہ کا نیا ویڈیو پیغام آ گیا۔حقیقت بتاتے رو پڑی

دیگر کیٹیگریز: انٹرٹینمنٹ - لازمی پڑھیں
ٹیگز:

متعلقہ خبریں