نریندر مودی ملنے والے تحائف کا کیا کرتے تھے؟ خود ہی بتا دیا، ویڈیو وائرل 

 (ویب ڈیسک)بھارتی وزیراعظم نریندر مودی کی جانب سے خود کو ملنے والے تحائف بارے بتانے کی ویڈیو وائرل ہوگئی ۔
میڈیا رپورٹ کے مطابق بھارتی وزیراعظم نریندر مودی کا ایک پرانا ویڈیو کلپ بھی وائرل ہو رہا ہے جس میں وہ خود کو ملنے والے تحائف کے بارے میں بتا رہے ہیں۔سوشل میڈیا پر وائرل کلپ میں نریندر مودی ایک سوال کا جواب دیتے ہوئے کہتے ہیں کہ جب میں گجرات کا وزیراعلیٰ تھا تو لوگ مختلف قسم کے تحائف دیتے تھے، کبھی کوئی شال دے دیتا تو کبھی کوئی چاندی کی تلوار اور کبھی کوئی اچھا سا تاج محل دے دیتا۔انہوں نے کہا کہ لوگ بہت شاندار پینٹنگز بھی دیتے تھے، میں بھی انسان ہوں میرا بھی دل کرتا کہ اس پینٹنگ کو گھر کی دیوار پر لگاو¿ں گا کہ کبھی مہمان آئیں گے تو اچھا لگے گا۔
نریندر مودی نے شرکا کو مخاطب کرتے ہوئے پوچھا کہ آپ کا بھی دل کرے گا یا نہیں کرے گا؟‘ جس پر شرکا نے جواب دیا کہ کرےگا لیکن بھارتی وزیراعظم ہاتھ پر ہاتھ مار کر کہتے ہیں کہ میرا دل نہیں کرتا تھا۔انہوں نے بتایا کہ مجھے جو تحائف ملتے تھے میں ساری چیزیں توشہ خانہ میں ڈال دیتا تھا جس پر وہ بھی بہت تنگ آ گئے، پھر میں نے ان چیزوں کی قیمت لگوانا شروع کی اور پھر ان کی نیلامی کروانا شروع کی۔
بھارتی وزیراعظم کا کہنا تھا ہمارے ملک میں یہ باتیں ہوتی ہیں کہ فلاں حکومت جاتے ہوئے اتنی چیزیں ساتھ لے گئی لیکن میں دعوے سے کہتا ہوں کہ جب میں نے گجرات چھوڑا تو بطور وزیراعلیٰ مجھے جو چیزیں ملیں میں نے ان کی عوامی سطح پر نیلامی کروائی اور اس سے جو رقم ملی وہ لڑکیوں کی تعلیم پر خرچ کی۔نریندر مودی نے بتایا کہ ملنے والے تحائف اور بعد میں لوگ مجھے جو چیک دیتے تھے ان کی مد سے 100 کروڑ سے زیادہ رقم جمع ہوئی جو میں سرکار کو لڑکیوں کی تعلیم کے لیے دیکر گیا۔

نریندر مودی میں جب بھی کسی ملک کا دورہ کرتا تھا تو مجھے بھی قیمتی تحائف دیئے جاتے تھے
میں انہیں اپنے پاس نہیں رکھتا تھا توشہ خانے میں جمع کرا دیتا تھا pic.twitter.com/0rk2KvveCe

— Aarshad rao (@1986_ars) May 2, 2022

یہ بھی پڑھیں: اداکارہ متھیرا، عامر لیاقت کے حق میں بول پڑیں