(24 نیوز)سابق صدر آصف علی زرداری نے سندھ میں بلدیاتی انتخابات میں کامیابی پر جیالوں کو مبارکباد دیتے ہوئے کہاہے کہ پورے ملک کے جیالے تیاری کریں مستقبل جیالوں کا ہے،ہم بھرپور تیاری سے انتخابات لڑیں گے۔
تفصیلات کے مطابق آصف علی زرداری نے بلدیاتی انتخابات میں کامیابی پر وزیر اعلیٰ سندھ ان کی کابینہ اور پارٹی عہدیداروں کو بھی مبارک باد دی ہے،سابق صدرنے کراچی کے جیالوں کو شاباش دیتے ہوئے کہاکہ صوبہ بھر میں جیت کارکنوں کی بہترین خدمات کا نتیجہ ہے ، کراچی کے جیالوں نے شاندار کارکردگی دکھائی ہے۔
یہ بھی پڑھیں: مختلف بچت سکیموں کے شرح منافع میں اضافہ
آصف زرداری نے کہاکہ پورے ملک کے جیالے تیاری کریں مستقبل جیالوں کا ہے،پیپلزپارٹی کے کارکن اور حامی بلاول بھٹو زرداری کی طاقت ہیں ،ہم بھرپور تیاری سے انتخابات لڑیں گے ۔
ان کاکہناتھا کہ بلاول بھٹو زرداری نے بطور وزیر خارجہ اپنی صلاحیتوں کا لوہا منوا لیا ہے ،بلاول بھٹو زرداری اپنی عظیم والدہ کی طرح چاروں صوبوں کی زنجیر ہے ،دھمکیوں کے باوجود بلاول بھٹو زرداری بھارت گئے ،قائد عوام شہید اور محترمہ بینظیر بھٹو کے سیاسی جانشین بہادری کی تاریخ رقم کرتے ہیں،ان کاکہناتھا کہ کوئی شک نہیں کہ جیالے اپنی قیادت کی طرح بہادر ہیں۔
یہ بھی پڑھیں: 20 کلو آٹے کا تھیلا 100 روپے مہنگا