آئی ایس پی آر کے بیان پر اسد عمر کا ردعمل آگیا

(24 نیوز)پاکستان تحریک انصاف کے رہنما اسد عمر نے ردعمل دیتے ہوئے کہاکہ آئی ایس پی آر کے بیان سے مکمل اتفاق کرتا ہوں، الزامات کے حل کیلئے قانونی راستہ اختیار کیا جائے۔
سماجی رابطے کی ویب سائٹ ٹوئٹر پر اپنے ٹوئٹ میں اسد عمر نے کہاکہ عمران خان نے ایف آئی آر درج کرکے سپریم کورٹ سے رجوع کرنے کی کوشش کی ہے، اس قانونی راستے کی حمایت کرنے والے ادارے کا یہ مثبت قدم ہو گا۔

Totally agree with ISPR that a legal recourse should be taken to resolve the allegations . Imran khan has tried to do that by filing an FIR and approaching the supreme court. The institution supporting that legal recourse would be a very positive step forward #BehindYouSkipper

— Asad Umar (@Asad_Umar) May 8, 2023

فواد چودھری کا اپنے ٹوئٹ میں کہناتھاکہ آئی ایس پی آر نے حیران کن پریس ریلیز جاری کی ہے، اگر عمران خان سمجھتے ہیں کہ ان پر قاتلانہ حملہ میں کوئی آفیسر ملوث ہیں تو آزادانہ اور شفاف تحقیقات کے ذریعے ان کو مطمئن کیا جانا چاہئے کہ ایسا نہیں ہے،پی ٹی آئی رہنما کاکہناتھا کہ الزام کی تحقیقات سے انکار اور ایسی پریس ریلیز سے آپ بتا رہے ہیں کہ پاکستان میں آپ قانون سے بالاتر ہیں ایسے رویے قوموں کیلئے تباہ کن ہیں۔

ISPR نے حیران کن پریس ریلیز جاری کی ہے، اگر عمران خان سمجھتے ہیں کہ ان پر قاتلانہ حملہ میں کوئ آفیسر ملوث ہیں تو آزادانہ اور شفاف گتحقیقات کے ذریعے ان کو مطمئن کیا جانا چاہئے کہ ایسا نہیں ہے، لیکن الزام کی تحقیقات سے انکار اور ایسی پریس ریلیز سے آپ بتا رہے ہیں کہ پاکستان میں آپ…

— Ch Fawad Hussain (@fawadchaudhry) May 8, 2023

قبل ازیں پاکستان آرمی نے عمران خان کے خلاف الزامات پر قانونی کارروائی کی وارننگ دیتے ہوئے کہا کہ ادارہ، جھوٹے، بدنیتی پر مبنی بیانات اور پروپیگنڈے کیخلاف قانونی کارروائی کا حق محفوظ رکھتا ہے۔

  سابق وزیراعظم و چیئرمین تحریک انصاف عمران خان کے سینئر فوجی افسر پر الزامات پر آئی ایس پی آر نے سخت ردعمل دیتے ہوئے کہا ہے کہ عمران خان نے بغیر ثبوت فوج کے حاضر سروس اعلی افسر کے خلاف انتہائی غیر ذمہ دارانہ و بے بنیاد الزامات لگائے۔

 آئی ایس پی آر نے عمران خان کے سینئر فوجی افسر پر الزامات کے حوالے سے جواب دیتے ہوئے اپنے اعلامیے میں کہا کہ عمران خان نے بغیر ثبوت فوج کے سینئر افسر پر غیر ذمہ دارانہ الزامات لگائے، من گھڑت، بدنیتی پر مبنی الزامات افسوسناک، قابل مذمت اور ناقابل قبول ہے ہیں، ایک سال سے فوجی اہلکاروں پر سیاسی مقاصد کیلئے الزامات لگائے جا رہے ہیں۔

 اعلامیے میں مزید کہا گیا کہ فوجی، انٹیلی جنس اہلکاروں کو اشتعال انگیزی، پروپیگنڈے کے ذریعے نشانہ بنایا جا رہا ہے، متعلقہ سیاسی رہنما قانونی راستہ اپنائیں، جھوٹے الزامات لگانا بند کریں، ادارہ، جھوٹے، بدنیتی پر مبنی بیانات اور پروپیگنڈے کیخلاف قانونی کارروائی کا حق محفوظ رکھتا ہے۔

یہ بھی پڑھیں: عید الاضحی پر 9 چھٹیاں، بڑی خبر آگئی