آریان خان کی طبیعت کے حوالے سے تشویشناک خبر۔۔ شاہ رخ کی پریشانی میں اضافہ
Stay tuned with 24 News HD Android App
(مانیٹرنگ ڈیسک)بالی ووڈ اداکار شاہ رخ خان کے بیٹے آریان خان ناساز طبیعت کے باعث آج نارکوٹکس کنٹرول بیورو (این سی بی) کی اسپیشل انویسٹی گیشن ٹیم کے سامنے پیش نہیں ہونگے۔
بھارتی میڈیا رپورٹس کے مطابق نارکوٹکس کنٹرول بیورو (این سی بی) کے عہدیدار نے بتایا کہ انسداد منشیات ایجنسی کی ایس آئی ٹی نے گزشتہ روز آریان خان کو مزید پوچھ گچھ کے لئے طلب کیا تھا۔
آریان خان ایس آئی ٹی کے حکام کے سامنے پیش نہیں ہوئے کیونکہ ان کی طبیعت ناساز ہے اور وہ بخار میں مبتلا ہیں۔
واضح رہے کہ آرتھر روڈ جیل سے رہائی کے بعد آریان خان کی این سی بی کے دفتر میں یہ پہلی پیشی تھی۔
یاد رہے کہ ممبئی ہائیکورٹ نے آریان کی ضمانت کے لئے 14 شرائط درج کی تھیں، آریان خان پولیس کو بتائے بغیر ممبئی نہیں چھوڑ سکتے اور انہیں ہر جمعہ کو این سی بی کے سامنے پیش ہونا ہوگا۔
یہ بھی پڑھیں:قومی سلامتی پارلیمانی کمیٹی کااجلاس آج ہو گا۔۔ میڈیا کے داخلے پر پابندی