سدھوموسے والا واپس آگیا،چھوٹے بھائی کی پہلی تصویرجاری
تصویر میں ننھاشبھدیپ والد بلکار سنگھ کی گود میں بیٹھاہے ،والدہ چرن کور بھی ساتھ موجود ہیں
Stay tuned with 24 News HD Android App
(ویب ڈیسک)بھارت کے مقبول پنجابی گلوکار سدھو موسے والا کے والدین نے اپنے چھوٹے بیٹے شبھدیپ سنگھ کی پہلی تصویر جاری کردی۔
فوٹوز اینڈ ویڈیوز شیئرنگ ایپ انسٹاگرام پر شیئرکی گئی اس تصویر میں ننھا شبھدیپ مسکراہٹ لیے والد بلکار سنگھ کی گود میں بیٹھاہے،ان کی والدہ چرن کور بھی برابر میں موجود ہیں۔
تصویر کے ساتھ کیپشن میں انہوں نے شکر ادا کرتے ہوئے لکھا کہ خدا نے انہیں ایک اور بیٹے سے نوازا۔
دوسری پوسٹ میں انہوں نے ایک ویڈیو بھی شیئر کی جس میں سدھو موسے والا، ان کے والدین اور چھوٹے بھائی کی تصویریں دکھائی گئیں۔
سوشل میڈیا صارفین نے اس پوسٹ کو سراہتے ہوئے محبت کا اظہار کیا ہے، کچھ صارفین نے لکھا کہ ”سدھو واپس آگیا، چھوٹا سدھو اپنے بڑے بھائی جیسا دکھتا ہے“۔
واضح رہے کہ سدھو موسےوالا کی موت کے 22 ماہ بعد ان کے والدین کو شبھدیپ سنگھ کی خوشخبری ملی تھی۔