بولڈ مناظر فلمانے پر نعمان اعجاز اور صبا قمر تنقید کی زد میں

(ویب ڈیسک)نامور اداکارنعمان اعجاز اور صبا قمر کی ویب سیریز کے بولڈ سین سوشل میڈیاپروائرل ہوگئے جس کے بعد  صارفین کی جانب سے ان دونوں فنکاروں کوتنقیدکانشانہ بنایاجارہاہے۔

دونوں وراسٹائل اداکاروں نے مختلف ڈراموں میں ایک ساتھ کام کیا ہے جن میں الو برائے فروخت نہیں، جو چلے تو جان سے گزر گئے اور مسٹر اینڈ مسز شمیم شامل ہیں۔

نعمان اعجاز اور صبا قمر کی ویب سیریز"مسٹر اینڈ مسز شميم" کے ایک بولڈ سین نے سوشل میڈیا پر تہلکہ مچا دیا ہے جس میں انہیں ایک دوسرے کے کافی قریب دیکھا جاسکتا ہے۔زی فائیو پر نشر کی جانے والی اس ویب سیریز کی کہانی ایک ایسے جوڑے کے گرد گھومتی ہے جو ایڈز کا شکار ہوتاہے،یہ سین منظرِعام پر آنے کے بعد سوشل میڈیا صارفین کی جانب سے صباقمر اور نعمان اعجاز کو شدید تنقید کا سامنا کرنا پڑ رہا ہے۔

کچھ صارفین کا کہنا ہے کہ صبا قمر اور نعمان اعجازجیسے باصلاحیت اداکاروں کو ایسے غیر اخلاقی مناظرفلمانے  کی ضرورت نہیں تھی،ایک صارف نے تبصرہ کیامجھے لگا کہ یہ کسی نیٹ فلکس سیریز کا سین ہے، مگر افسوس کے ساتھ کہنا پڑ رہا ہے کہ یہ پاکستانی اداکار ہیں،ایک اور صارف نے لکھایہ وہی اداکار ہیں جو وضو کے ساتھ گھر سے نکلنے کا دعویٰ کرتے ہیں اور اس کے بعد ایسی چیزیں شوٹ کرتے ہیں۔

یہ بھی پڑھیں:جون ایلیا: ان کی شاعری اور فلسفے کی گونج آج بھی زندہ ہے

سوشل میڈیا پر صارفین کی جانب سے اداکارہ صبا قمر کو بھی تنقید کا نشانہ بنایا جا رہا ہے۔