شکست کو یادگار بنا دیا۔۔آئی پی ایل میچ کے دوران کھلاڑی کی لڑکی کو شادی کی پیشکش۔۔ویڈیو وائرل
Stay tuned with 24 News HD Android App
(نیوزایجنسی)انڈین پریمیئر لیگ میں پنجاب کنگز کے ہاتھوں شکست کے باوجود چنئی سپر کنگز کے کھلاڑی دیپک چاہر نے اسٹیڈیم میں اپنی گرل فرینڈ کو شادی کی پیشکش کردی۔
بھارتی میڈیا رپورٹس کے مطابق انڈین پریمیئر لیگ (آئی پی ایل) 2021 سیزن کے میچ میں پنجاب کنگز نے چنئی سپر کنگز کو شکست دی جس کے بعد جہاں پوری ٹیم اداس تھی وہیں ٹیم کے ایک کھلاڑی نے اپنی ٹیم کی ناکامی کو یادگار دن میں تبدیل کردیا۔دیپک چاہر نامی بھارتی کرکٹر نے میچ کے اختتام کے بعد اسٹیڈیم میں موجود اپنی گرل فرینڈ کو شادی کی پیشکش کی جس پر ان کی گرل فرینڈ نے فوراََ ’ہاں‘ کہہ دی۔ بھارتی کرکٹر نے گرل فرینڈ کو پروپوز کرنے کی ویڈیو اپنے انسٹاگرام اکاؤنٹ پر پوسٹ کی جس میں دیکھا جاسکتا ہے کہ جب وہ اپنی گرل فرینڈ کو شادی کی پیشکش کرتے ہیں تو وہ حیران رہ جاتی ہے۔
View this post on Instagram
دیپک چاہر اپنی گرل فرینڈ کو سب کے سامنے انگوٹھی پہناتے ہیں جس کے بعد ان کی گرل فرینڈ بھی انہیں انگوٹھی پہناتی ہیں۔انسٹاگرام پر ویڈیو شیئر کرتے ہوئے بھارتی کرکٹر نے کیپشن میں لکھا کہ خاص لمحہ۔ بھارتی کرکٹر کی پوسٹ کو اب تک لاکھوں افراد دیکھ چکے ہیں اور صارفین کی جانب سے ان کے لیے خواہشات کا اظہار بھی کیا۔
یہ بھی پڑھیں:استعفے کے بعد بھی این واٹمور تنقید کی زد میں