ممنوعہ فنڈنگ کیس، تحریک انصاف کا بڑا قدم

لاہور (شاہین عتیق )ممنوعہ فنڈنگ کیس، تحریک انصاف نے ایف آئی اے انکوائری اسلام آبادہائیکورٹ میں چیلنچ کردی۔ پی ٹی آئی نے موقف اختیار کیا کہ ایف آئی اے کو فنڈنگ کیس میں گرفتاریوں اور چھاپوں سے روکا جائے۔

 تفصیلات کے مطابق  پی ٹی آئی نے درخواست میں موقف اختیار کیا ہے کہ ایف آئی اے نے سینیٹر سیف اللہ نیازی کے گھر چھاپہ مارا، ہراساں کیا، ایف آئی اے انکوائری اور چھاپے غیرقانونی ہیں فوری روکا جائے، ایف آئی اے، سیاسی بنیاد پر ہراساں کررہی ہے پی ٹی آئی نے  مزید کہا کہ عدالت ایف آئی اے کو فنڈنگ کیس کی تحقیقات سے روکے، انہوں نے مزید کہا کہ رجیم چینج کے بعد پی ٹی آئی نے حکومت مخالف تحریک کے لیے فنڈز اکٹھے کیے۔

بیرون ملک سے ملنے والے تمام فنڈز قانون کے مطابق موصول کیے اور درخواست میں سیکرٹری داخلہ، ڈی جی ایف آئی اے اور تفتیشی افسر کو فریق بنایا گیا۔