حماس نے 50 سے زائد اسرائیلی فوجیوں کو یرغمال بنالیا

Oct 08, 2023 | 11:01:AM
فلسطین کے علاقے غزہ کی مزاحمتی تنظیم حماس کے جنگجوؤں نے کئی اسرائیلی فوجیوں سمیت شہریوں کو بھی یرغمال بنا لیا ہے۔
کیپشن: فائل فوٹو
Stay tuned with 24 News HD Android App
Get it on Google Play

(ویب  ڈیسک) فلسطین کے علاقے غزہ کی مزاحمتی تنظیم حماس کے جنگجوؤں نے کئی اسرائیلی فوجیوں سمیت شہریوں کو بھی یرغمال بنا لیا ہے۔

سماجی رابطے کی ویب سائٹ ایکس پر اس وقت ایک ویڈیو خوب گردش کر رہی ہے جس میں دیکھا جاسکتے ہے کہ فلسطینی مجاہدین نے کئی اسرائیلی فوجیوں کو یرغمال بنا لیا ہے ۔

اسرائیلی میڈیا کی جانب سے بھی تصدیق کی گئی ہے کہ حماس کے جنگجو حملوں کے دوران 50 اسرائیلی فوجیوں اور شہریوں کو یرغمال بنا کر ساتھ لے گئے۔ 

 یرغمال بنائے گئے فوجیوں کے ہاتھ پاؤں باندھ کر زمین پر لٹا دیا گیا۔ اس کے علاوہ فلسطینی مجاہدین نے 2 سے 3 اسرائیلی ٹینکوں کو تباہ کر دیا، ان میں موجود فوجیوں کو گھسیٹے ہوئے نیچے اتارا۔ 

اس وقت جنوبی اسرائیل میں آباد اسرائیلی شہری اپنے اپنے گھروں سے بھاگ کر محفوظ مقام پر پہنچنے کیلئے ائیرپورٹ پر جمع ہو گئے ہیں جبکہ اس وقت اسرائیل کی سڑکیں، مارکیٹیں اور دفاتر خالی ہو چکے ہیں۔

یہی نہیں اس وقت اسرائیل کی سڑکوں پر فلسطینی مزاحمتی تنطیم حماس کے مجاہدین گشت کرتے ہوئے نظر آ رہے ہیں۔ 

دوسری جانب اسرائیلی فوج نے غزہ پر فضائی حملے شروع کردیے ہیں اور اب تک کی اطلاعات کے مطابق 198 فلسطینی شہید ہوگئے جبکہ ایک ہزار سے زائد زخمی ہیں۔ 

واضح رہے کہ  حماس نے غزہ سے اسرائیل پر زمین، سمندر اور فضا سے حملے کیے جس کے نتیجے میں صیہونی فوجیوں سمیت 40 اسرائیلی ہلاک، 700 سے زائد زخمی ہوگئے جن میں سے درجنوں کی حالت تشویشناک ہے۔ 

دیگر کیٹیگریز: دنیا
ٹیگز:

متعلقہ خبریں