9 مئی مقدمات: ملزمان کی عبوری ضمانتوں میں 30 اکتوبر تک توسیع

(24نیوز)انسداد دہشت گردی عدالت نے سانحہ نو مئی کے مقدمات میں ملزمان کی عبوری ضمانتوں میں توسیع کر دی۔

اے ٹی سی لاہور میں سانحہ 9 مئی کے مقدمات میں ملزمان کی عبوری ضمانتوں پر سماعت ہوئی۔

اس موقع پر عمر ایوب، اسد عمر، علیمہ خانم، عظمی خان، حافظ فرحت، اعظم سواتی، بلال اعجاز، علی امتیاز کی حاضری معافی کی درخواست دائر کی گئی۔

درخواست میں موقف اختیار کیا گیا کہ اسد عمر، عمر ایوب طبیعت ناسازی کے باعث پیش نہیں ہو سکتے، علیمہ خانم اور عظمی خان کی اسلام آباد میں گرفتاری کے باعث پیشی ممکن نہیں جبکہ حافظ فرحت عباس کسی رشتہ دار کی فوتگی کے باعث پیش نہیں ہو سکتے۔

دائر درخواست میں کہا گیا کہ اعظم خان سواتی اسلام آباد مقدمہ میں گرفتار ہونے کے باعث پیش نہیں ہو سکتے، بلال اعجاز ایم این اے ڈینگی بخار کی وجہ سے پیش نہیں ہو سکتے جبکہ علی امتیاز ایم این اے شدید بخار کی وجہ سے پیش نہیں ہو سکتے۔

جس پر عدالت نے ملزمان کی عبوری ضمانتوں میں 30 اکتوبر تک توسیع کا حکم دے دیا۔