(احتشام کیانی) سابق خاتون اول اور بانی پی ٹی آئی عمران خان کی اہلیہ بشریٰ بی بی کی درخواست ضمانت سماعت کیلئے مقرر کر لی گئی ہے ۔
تفصیلات کے مطابق اسلام آباد ہائیکورٹ نے توشہ خانہ کیس 2میں بشری بی بی کی ضمانت کی درخواست کل سماعت کے لیے مقرر کر لی ہے، جسٹس میاں گل حسن اورنگزیب کل درخواست ضمانت پر سماعت کرینگے،رجسٹرار آفس نے کیس کل سماعت کیلئے مقرر کرنے کی کازلسٹ جاری کر دی ،عدالت نے رجسٹرار آفس کو کیس رواں ہفتے مقرر کرنے کی ہدایت کی تھی ،اسلام آباد ہائیکورٹ نے ایف آئی اے کو نوٹس جاری کر کے جواب طلب کر رکھا ہے،سپیشل جج سنٹرل نے بشری بی بی کی ضمانت کی درخواست مسترد کر دی تھی۔