پاکستانی کر کٹر نسیم شاہ نے جیت کس کے نام کی ؟

(ویب ڈیسک )قومی کرکٹ ٹیم کے تیزی سے ابھرتے کھلاڑی نسیم شاہ نے گزشتہ روز افغانستان کے خلاف  اپنی جیت کو قوم کے نام کر دیا ہے۔

 تفصیلات کے مطابق ایشیا کپ 2022ء میں افغانستان کے خلاف پاکستان کو آخری اوور میں یادگار چھکوں کے ذریعے فتح دلوانے والے نسیم شاہ نے جیت کے بعد سوشل میڈیا پر  ایک پیغام شیئر کیا۔اپنے ٹوئٹ میں نسیم شاہ کا کہنا تھا کہ یہ جیت اُن سب لوگوں کے نام جو ہمیشہ سپورٹ کرتے ہیں، آپ سب کی دعاؤں کا بہت شکریہ! 

Yeh jeet unn sub logon ke naam jou humain hamesha support kartay hain...

App sub ki duaon ka bahut shukriya! ???? #AsiaCup pic.twitter.com/RyxJ5Qu1ni

— Naseem Shah (@iNaseemShah) September 7, 2022

واضح رہے کہ افغانستان کے خلاف جیت کے بعد میڈیا سے گفتگو کے دوران نسیم شاہ کا کہنا تھا کہ ابھی تو سب یہ بھول گئے ہوں گے کہ میں ایک بولر ہوں، بیٹنگ پر آیا تھا تو معلوم تھا کہ چھکے لگا سکتا ہوں۔

نسیم شاہ نے کہا کہ کوشش کی اور کامیاب ہوگیا، یقین تھا کہ کرلوں گا کافی پریکٹس کرتے رہتے ہیں۔یاد رہے کہ گزشتہ روز کھیلے گئے میچ میں پاکستان نے سنسنی خیز مقابلے کے بعد افغانستان کو آخری اوور میں ایک وکٹ سے شکست دی تھی۔