پاکستان سے شکست، افغان شائقین کا ہنگامہ، پاکستانی مداحوں کو کرسیاں دے ماریں

(سپورٹس ڈیسک) ایشیاء کپ کے سپر فور مرحلے میں پاکستان کے خلاف اپنی ٹیم کی شکست پر افغانستان کے تماشائیوں نے اسٹیڈیم میں توڑ پھوڑ کی اور پاکستانی مداحوں پر کرسیاں پھینکیں۔

تفصیلات کے مطابق پاکستان کی جیت کے بعد سوشل میڈیا پر افغان شائقین کی جانب سے شارجہ کرکٹ اسٹیڈیم میں توڑ پھوڑ کی مبینہ ویڈیو سامنے آئی جس میں افغان تماشائیوں کی جانب سے کرسیاں پھینکتے ہوئے دیکھا جاسکتا ہے۔

ویڈیو میں افغانستان کے شائقین پاکستان کرکٹ ٹیم کے مداحوں کے اوپر کرسیاں پھینکتے اور اسے توڑتے نظر آرہے ہیں۔ اس حوالے سے شعیب اختر نے اس ویڈیو کو ٹویٹ کرتے ہوئے لکھا کہ یہ سب اٖفغانی شائقین ماضی میں بھی کرچکے ہیں لیکن کھیل کو کھیل سمجھ کرہی کھیلنا چاہیئے۔

This is what Afghan fans are doing.
This is what they've done in the past multiple times.This is a game and its supposed to be played and taken in the right spirit.@ShafiqStanikzai your crowd & your players both need to learn a few things if you guys want to grow in the sport. pic.twitter.com/rg57D0c7t8

— Shoaib Akhtar (@shoaib100mph) September 7, 2022

متحدہ عرب امارات میں ہونے والے ایشیاء کپ کے کل کے میچ میں پاکستان نے افغانستان کو ایک وکٹ سے شکست دی۔

قومی ٹیم کو آخری اوور میں 11 رنز درکار تھے۔ نسیم شاہ نے فضل حق فاروقی کی ابتدائی دو گیندوں پر چھکے لگا کر قومی ٹیم کو جیت سے ہمکنار کروایا۔ میچ کے دوران آصف علی اور افغان باؤلر فرید احمد کے درمیان تلخ کلامی بھی ہوئی تاہم نسیم شاہ نے آخری اوور میں 2 چھکے لگا کر ٹیم کی کامیابی میں اہم کردار ادا کیا۔

یہ بھی پڑھیے: افغان باؤلر سے تلخ کلامی، آصف علی پر جرمانے کا خدشہ