محمد آصف پر کتنے میچزکی پابندی لگ سکتی ہے؟

(سپورٹس ڈیسک) آئی سی سی کے کوڈ آف کنڈکٹ کے مطابق گزشتہ روز افغانستان کے خلاف ہونے والے میچ میں پیش آئے واقعے پر آصف علی پر ایک یا دو میچز کی پابندی لگ سکتی ہے۔

تفصیلات کے مطابق پاکستان اور افغانستان کے مابین کھیلے گئے کل کے میچ میں پاکستانی بیٹنگ سٹار محمد آصف اور افغان باؤلر فرید احمد کے درمیان کچھ تلخ کلامی ہوئی۔ واقعے کی فوٹیجز دیکھیں تو نظر آتا ہے کہ پہلے افغان باؤلر فرید احمد نے کچھ نازیبا کلمات کہے جس کے بعد آصف علی پلٹے اور ردعمل ظاہر کیا۔

یہ بھی پڑھیے: پاکستان سے شکست، افغان شائقین کا ہنگامہ، پاکستانی مداحوں کو کرسیاں دے ماریں

اس حوالے سے ماہرین کا کہنا ہے کہ واقعے پر آئی سی سی کوڈ آف کنڈکٹ کا لیول ون لگ سکتا ہے جو ایک سنگین معاملہ ہوسکتا ہے۔ فرید احمد لیے تو ٹورنامنٹ ختم ہو گیا ہے لیکن اگر آصف علی سری لنکا کا میچ مس کرتے ہیں تو پاکستان کے لیے مسئلہ ہو گا۔ ذرائع کے مطابق ریفری اینڈی پائی کرافٹ کا شمار دنیا کے سخت ترین میچ ریفریز میں ہوتا ہے۔