(ویب ڈیسک ) ایشیا کپ کے سپر فور مرحلے کا آخری میچ کل سری لنکا اور پاکستان کے درمیان ہوگا جس میں قومی ٹیم میں دو تبدیلیوں کا امکان ہے۔
ایشیا کپ 2022 میں پاکستان کر کٹ ٹیم نے کل کے میچ میں افغانستان کو شکست دے کر فائنل میں اپنی جگہ بنا لی ہے ۔ ذرائع کے مطابق پاکستان کرکٹ ٹیم آج مکمل آرام کرے گی اور قومی ٹیم کا آج ٹریننگ سیشن شیڈول نہیں ہے,سری لنکا کے خلاف سپر فور کے میچ کے لیے لیگ اسپنر عثمان قادر اور فاسٹ بولر حسن علی کے پلیئنگ الیون کا حصہ بننے کا امکان ہے جبکہ آل راؤنڈر شاداب خان اور فاسٹ بولر محمد حسنین کو آرام دیا جا سکتا ہے۔
یہ بھی پڑھیں :محمد آصف پر کتنے میچزکی پابندی لگ سکتی ہے؟
واضح رہے کہ پاکستان اور سری لنکا کی ٹیموں کے درمیان ایشیا کپ سپر فور مرحلے کا آخری میچ کل دبئی میں کھیلا جائے گا,پاکستان اور سری لنکا کی ٹیمیں پہلے ہی ایشیا کپ کے فائنل کے لیے کوالیفائی کر چکی ہیں، ایشیا کپ کا فائنل اتوار کو دبئی میں کھیلا جائے گا۔