اداکارہ اقراء عزیز کی نومیک اپ لک مداحوں کوبھاگئی
مداحوں کے ساتھ ساتھ اداکارہ صبا قمرنے بھی انہیں"پیاری" قرار دے دیا
Stay tuned with 24 News HD Android App
(ویب ڈیسک)معروف اداکارہ اقراء عزیز کی نومیک اپ لک نے ان کے مداحوں کے ساتھ ساتھ اداکارہ صباقمرکوبھی ان کی تعریف کرنے پرمجبورکردیا۔
اقراء عزیزکاشمارشوبزانڈسٹری کی باصلاحیت اداکاراؤں میں ہوتاہے جنہوں نے اداکاری کی دنیا میں بہت جلداپنی منفرد شناخت بنالی تھی،کئی ہٹ ڈرامے ان کے کریڈٹ پر ہیں۔
اقراء عزیزدسمبر 2019 ء میں اداکار یاسر حسین کے ساتھ شادی کے بندھن میں بندھی تھیں جس کے ڈیڑھ سال بعد جولائی 2021ء میں ان کے ہاں بیٹے کبیر حسین کی پیدائش ہوئی ۔
اداکارہ اقراء عزیز سوشل میڈیا پرکافی متحرک رہتی ہیں اور بیٹے کے ساتھ موج مستی کرتے ہوئے تصاویر اورویڈیوزبھی سوشل میڈیاپرشیئرکرتی رہتی ہیں جسے ان کے مداح پسند بھی کرتے ہیں۔
اداکارہ نے حال ہی میں اپنے انسٹاگرام پرمیک اپ کے بغیراپنی چندتصاویرجاری کیں جن میں "رانجھا رانجھا کردی"اسٹار کو سرخ اور گلابی دھاری والے لباس میں ملبوس دیکھا گیا ،نومیک اپ لک کی جھلکیاں سوشل میڈیا پرشیئر کرتے ہوئے اقراء عزیز نے اگرچہ اس کا کیپشن نہیں لکھاتاہم ان کی معصومانہ پوسٹ پران کے مداحوں کے ساتھ ساتھ اداکارہ صبا قمر نے بھی اقراء کو"پیاری" قرار دے دیا۔