(ویب ڈیسک)بالی ووڈ کے معروف اداکار منوج کمار کے بعد بھارتی فلم انڈسٹری کی ایک اور اہم شخصیت چل بسی۔
رانی مکھرجی اور تمنا بھاٹیہ کو بالی ووڈ میں لانچ کرنے والے پروڈیوسر سلیم اختر انتقال کر گئے،بھارتی میڈیا کے مطابق فلم پروڈیوسر سلیم اختر نے ممبئی کے کوکیلا بین دھیرو بھائی امبانی ہسپتال میں آخری سانسیں لیں۔
1993 کی کلاسک فلم پھول اور انگار اور 1983 کی قیامت جیسی فلموں کیلئے مشہور پروڈیوسر کی موت کی خبر سن کر بھارتی فلم انڈسٹری میں ہر ایک فنکار غمگین ہوگیا،ن کے پسماندگان میں ان کی اہلیہ، شمع اختر اور ان کا بیٹا، صمد اختر شامل ہے تاہم ان کے اچانک انتقال کی وجہ معلوم نہیں ہو سکی۔
یاد رہے کہ سلیم اختر نے معروف اداکارہ رانی مکھرجی کو بالی ووڈ میں لانچ کیا تھا انہوں نے 1997 کی ڈرامہ فلم راجہ کی آئے گی بارات میں رانی کو لانچ کیا جبکہ تمنا بھاٹیہ کو بھی ہندی سنیما میں متعارف کرایا تھا۔
اس کے علاوہ سلیم اختر نے بوبی دیول اور رانی مکھرجی کی 2000 کی مشہور فلم بادل، 1993 کی ایکشن ریوینج ڈرامہ فلم پھول اور انگار بھی پروڈیوس کیں جس میں متھن چکرورتی، شانتی پریہ، پریش راول، گلشن گروور اور پریم چوپڑا نے اداکاری کی۔
یہ بھی پڑھیں:گپی گریوال کی ایکشن پنجابی فلم ’’اکال‘‘کل پاکستان سمیت دنیابھرمیں ریلیز ہوگی
سلیم اختر نے عامر خان اور ممتا کلکرنی کی 1995 کی ایکشن تھرلر فلم"بازی" بھی پروڈیوس کی تھی جس کی ہدایت کاری آشوتوش گواریکر نے کی تھی۔