پی ایل ایس 10: ڈیوڈ وارنر اور ٹم سیفرٹ کراچی پہنچ گئے

( 24  نیوز )پاکستان سپر لیگ 10 میں شرکت کیلئے مایہ ناز آسٹریلوی بیٹر ڈیوڈ وارنر اور جارح مزاج کیوی کھلاڑی ٹم سیفرٹ پاکستان پہنچ گئے، وارنر کراچی کنگز کی قیادت کرینگے۔

پی ایس ایل 10 میں شرکت کیلئے غیر ملکی کھلاڑیوں کی آمد کا سلسلہ جاری ہے، آسٹریلیا کے مایہ ناز بیٹر ڈیوڈ وارنر اور نیوزی لینڈ کے ٹم سیفرٹ کراچی پہنچ گئے۔

 یہ بھی پڑھیں:بجلی صارفین کیلئے بڑی خوشخبری

آسٹریلوی اوپنر پی ایس ایل 10 میں کراچی کنگز کی قیادت کریں گے۔ وہ پہلی بار پاکستان سپر لیگ میں ایکشن میں نظر آئیں گے۔

واضح رہے کہ پاکستان سپر لیگ کے سیزن 10 کا آغاز 11 اپریل سے کراچی میں ہورہا ہے، ایونٹ کے میچز کراچی، لاہور، ملتان اور راولپنڈی میں کھیلیں جائیں گے۔