(ویب ڈیسک)معروف بالی ووڈ اداکار اکشے کمار اپنی نئی آنے والی فلم میں ’’کتھاکلی‘‘ ڈانس سے بھی مداحوں کو لبھائیں گے۔
اکشے کمار نے اپنی فلم "کیسری 2" کےلیے کتھاکلی رقاص کا شاندار روپ دکھایا ہے۔ انسٹاگرام پر اپنی تصویر شیئر کرتے ہوئے بالی ووڈ کے سپرسٹارنے لکھا، ’’یہ صرف ایک کاسٹیوم نہیں، یہ ایک علامت ہے، روایت کی، مزاحمت کی، سچائی کی اور میرے ملک کی۔‘‘
اکشے کمار اس فلم میں وکیل اور سیاستدان سی شنکرن نائر کا کردار ادا کر رہے ہیں، جو جلیانوالہ باغ قتل عام کے بعد انصاف کی تلاش میں برطانوی سلطنت کے خلاف قانونی جنگ لڑے تھے، کتھاکلی آرٹ میں سبز چہرہ (پچا) عظیم شخصیات، فلسفیوں اور بادشاہوں کی علامت ہوتا ہے۔
3 اپریل کو ریلیز ہونے والے فلم کے ٹریلر میں ہندوستان کی تاریخ کی اہم ترین قانونی لڑائی کو دکھایا گیا ہے، فلم کے مطابق، ’’18 اپریل کو ہم آپ کے سامنے وہ عدالتی مقدمہ لے کر آ رہے ہیں جو کسی نصابی کتاب میں نہیں پڑھایا گیا۔‘‘
یہ بھی پڑھیں:کنگنا رناوت 1 لاکھ بجلی کا بل آنے پر ریاستی حکومت پر برس پڑیں
تصویر دیکھ کر مداح اکشے کمار کے اس نئے روپ پر دیوانہ ہوگئے ہیں۔ یاد رہے کہ "کیسری 2" سنیما گھروں میں 18 اپریل کو ریلیز ہوگی۔