(وسیم احمد) آئی سی سی ویمنز کرکٹ ورلڈ کپ کوالیفائرمیں پاکستان ویمنز کرکٹ ٹیم نے آئرلینڈ کے خلاف پہلے میچ میں شاندار فتح اپنے نام کرلی۔
تفصیلات کے مطابق پاکستان نے آئرلینڈ کو 33 رنز سے ہرا دیا،217 رنز کے تعاقب میں آئرلینڈ کی ٹیم 44 اوورز میں 179 رنز بنا کر آل آوٹ ہوگئی،
پاکستان کی جانب سے ڈیانا بیگ ، نشرہ سندھو اور سعدیہ اقبال نے تباہ کن باولنگ کرتے ہوئے حریف ٹیم کو زیر کیا،ڈیانا بیگ نے 35 رنز دے کر آئرلینڈ کی 4 بیٹرز کو پویلین واپس بھجوایا،نشرہ سندھو نے آئرلینڈ کی 3 ٹاپ بیٹرز اور سعدیہ اقبال نے 2 کھلاڑیوں کو آؤٹ کیا۔
آئرلینڈ کی کپتان گبی لیوئس نے 44 اور وکٹ کیپر بیٹر ایمی ہنٹر نے 44 رنز سکور کیے جبکہ لا پرنڈرگاسٹ نے 37 رنز بنائے۔
پاکستان ویمنز کرکٹ ٹیم 49 اوورز میں 217 رنز بنا کر آل آوٹ ہوئی، اوپنر منیبہ علی نے 59 بالز پر 32 رنز جبکہ سدرہ امین نے 112 بالز پر 51 رنز بناۓ ،عالیہ ریاض نے 58 بالز پر 52 رنز جبکہ کپتان فاطمہ ثنا نے 15 بالز پر 19 رنز بناۓ۔
آئرلینڈ کی باؤلر جین میگیئر (Jane Maguire) نے 33 رنز دے کر 3 کھلاڑیوں کو آؤٹ کیا،(Arlene kelly) آرلینی کیلی نے 34 رنر دے کر 2 جبکہ کرین مرے (Crare Murray )نے 49 رنز دے کر 2 کھلاڑیوں کو آؤٹ کیا،
یہ بھی پڑھیں: ویمن ورلڈ کپ کوالیفائیر,سکاٹ لینڈ کی ویسٹ انڈیز کو شکست