اسلام آباد ہائیکورٹ میں زیرسماعت مقدمہ کا ایک اوربنچ تبدیل 

(احتشام کیانی)اسلام آباد ہائیکورٹ میں زیرِ سماعت مقدمہ کا بنچ تبدیل کیے جانے کا ایک اور معاملہ سامنے آ گیا۔ 

جسٹس محسن اختر کیانی کی سربراہی میں کوٹہ سے متعلق کیسز سننے والا لارجر بنچ تبدیل ہو گیا،جسٹس بابر ستار اور جسٹس سردار اعجاز اسحاق بھی لارجر بنچ کا حصہ تھے ۔

لارجر بنچ نے 6 مارچ کو آخری سماعت کی تھی، آئندہ 10 اپریل سماعت کی تاریخ مقرر تھی۔ 

ہائیکورٹ ویب سائٹ کے مطابق نیا بنچ قائم مقام چیف جسٹس سرفراز ڈوگر کی سربراہی میں قائم  کر دیا گیا،جسٹس خادم حسین سومرو اور جسٹس انعام امین منہاس بھی بنچ میں شامل ہیں۔

یہ بھی پڑھیں:بیٹی کی شادی سے 10 دن پہلے ماں اپنے ہونے والے داماد کیساتھ فرار