عمران خان کو گرفتار کرنا خونی سیاست کا آغاز ہوگا: شیخ رشید

 (ویب ڈیسک) شیخ رشید نے کہا ہے کہ ملکی سیاست اور اقتدار سے زیادہ ملک کی سلامتی اہم ہے، افغانستان کا عدم استحکام پاکستان پر بھی اثرانداز ہوگا۔

سابق وزیر داخلہ و سربراہ عوامی مسلم لیگ شیخ رشید نے سماجی رابطے کی ویب سائٹ پر ٹویٹ کرتے ہوئے کہا کہ بھتہ اور خودکش حملے شروع ہو گئے ہیں۔

ملکی سیاست اور اقتدار سے زیادہ ملک کی سلامتی اہم ہے۔ افغانستان کا عدم استحکام پاکستان پر بھی اثرانداز ہوگا۔ بھتہ اور خودکش حملے شروع ہو گئے ہیں۔ حکومتی خواہشوں سے من پسند خبریں نہیں بن سکتیں۔ مشرف نے چینل لائیسنس دیے،مفاد پرست فاشسٹ بند کر رہے ہیں۔آج ن لیگ کا بیانیہ دفن ہوگیا ہے.

— Sheikh Rashid Ahmed (@ShkhRasheed) August 9, 2022

انہوں نے کہا کہ حکومتی خواہشوں سے من پسند خبریں نہیں بن سکتیں، مشرف نے چینل لائسنس دیئے، مفاد پرست فاشسٹ بند کر رہے ہیں، آج ن لیگ کا بیانیہ دفن ہوگیا ہے۔

شیخ رشید کا کہنا تھا کہ چین پاکستان کا بھلا سوچ رہا ہے، اس کے اشاروں کو سمجھیں، یوم آزادی کو یوم بربادی نہ بنائیں، عمران خان کو گرفتار کرنا یا پی ٹی آئی کو توڑنے کی منصوبہ بندی کرنا خونی سیاست کا آغاز ہوگا۔

چین پاکستان کا بھلا سوچ رہا ہے،اس کے اشاروں کو سمجھیں۔یوم آزادی کو یوم بربادی نہ بنائیں۔عمران خان کو گرفتار کرنا یا PTIکو توڑنے کی منصوبہ بندی کرنا خونی سیاست کا آغاز ہوگا۔حساس ترین مرحلے پر 12تاریخ 3 بجے پریس کانفرنس کروں گا اور13 اگست کی رات 11بجے لال حویلی جلسے سے خطاب کروں گا

— Sheikh Rashid Ahmed (@ShkhRasheed) August 9, 2022

انہوں نے کہا کہ حساس ترین مرحلے پر 12 اگست کو 3 بجے پریس کانفرنس کروں گا، 13 اگست کی رات 11 بجے لال حویلی جلسے سے خطاب کروں گا۔