پی ٹی آئی رہنما شہباز گل گرفتار: مراد سعید کا دعویٰ

(ویب ڈیسک) پاکستان تحریک انصاف کے رکن قومی اسمبلی مراد سعید نے دعویٰ کیا ہے کہ حکومت نے شہباز گل کو گرفتار کرلیا ہے۔

پی ٹی آئی رہنما مراد سعید نے سماجی رابطے کی ویب سائٹ پر ٹویٹ کرتے ہوئے کہا کہ شہباز گل کو گرفتار کر لیا گیا، امپورٹڈ حکومت بوکھلاہٹ کا شکار ہے، کس کس کو گرفتار کروگے؟ کتنے صحافیوں پر پابندی لگاؤ گے؟ شہباز گل کی گاڑی کے شیشے بھی توڑ دیئے۔

شہباز گل کو گرفتار کر لیا گیا۔ امپورٹڈ حکومت بوکھلاہٹ کا شکار

— Murad Saeed (@MuradSaeedPTI) August 9, 2022

 انہوں نے کہا کہ گزشتہ رات ایک خوفناک پلان تھا لیکن عمران خان کے جانثاروں نے واضح پیغام دیا کہ عمران خان ریڈ لائن ہے۔

شہباز گل کی گاڑی پر حملہ آور ہوئے،اسٹنٹ پر تشدد کیا، شہباز گل کو اغوا کر لیا گیا۔ pic.twitter.com/9KBdkAsXGI

— Murad Saeed (@MuradSaeedPTI) August 9, 2022

مراد سعید کا کہنا تھا کہ کئی ہفتوں سے خبردار کر رہا تھا کہ ہمیں پھر سے ایندھن بنایا جا رہا ہے، میڈیا خاموش رہا، امپورٹڈ حکومت خاموش رہی، امریکی غلاموں کی خاموشی بے سبب نہیں، انہوں نے خود یہ نیا کھیل شروع کیا، یہ شریک جرم ہے لیکن میرے لئے میڈیا کی خاموشی سمجھ سے بالاتر تھی، لیکن اب منصوبہ تو بے نقاب ہوا۔