نادیہ جمیل کی رضوانہ سے ملاقات، دل کو چھو لینے والے لمحات کا تذکرہ کردیا

(ویب ڈیسک) پاکستانی اداکارہ نادیہ جمیل نے سول جج کی اہلیہ کے ہاتھوں وحشیانہ تشدد کا نشانہ بننے والی 13 سالہ رضوانہ سے ملاقات کی۔

اداکارہ نے اپنے سوشل میڈیا اکاؤنٹ پر ملاقات کے بعد   مداحوں سے  دل کو چھو جانے والے لمحات کا تذکرہ کیا۔ اُنہوں نے بچی کا احوال بیان کرتے ہوئے لکھا کہ، ’وہ بہت درد میں تھی اور بری طرح زخمی تھی، اس کا سر بہت درد کر رہا تھا۔‘

Just met Rizwana and her mother with THE AMAZING @SarahAhmad_CPWB
Not going to share any photos of the child but will describe her condition.
She was in a lot of pain and badly battered and injured. Her head aching immensely. However when we asked her if she wanted anything...…

— Nadia Jamil (@NJLahori) August 8, 2023

اداکارہ کا  بچی سےبات چیت کے دوران  کہنا تھا کہ ’تم کیا چاہتی ہو؟‘ اس سوال پر رضوانہ کی آنکھیں چمک اٹھیں اور اس نے ایک کمزور آواز اور خوبصورت شرمیلی مسکراہٹ کے ساتھ کہا، ’گڑیا چاہئیے۔‘

اداکارہ نے جب گڑیا کے نام کا پوچھا توتشدد کا نشانہ بننے والی رضوانہ نے سر درد کی پرواہ کیے بغیر کہا، ’ڈولی!‘

13 سالہ رضوانہ نے اداکارہ سے کہا، ’بہت مارا مجھے باجی، بہت مارا‘

مزید پڑھیں: سرگودھا: گھریلو ملازمہ کو جنسی زیادتی کا نشانہ بنانے والا درندہ صفت انسان گرفتار

بعد ازاں اداکارہ نے جزباتی ہوکر لکھا، ’وہ صرف ایک بچی ہے، وہ ٹھیک ہونا چاہتی ہے، کھیلنا چاہتی ہے، مسکرانا چاہتی ہے۔ برائے مہربانی اس مسکراہٹ کی حفاظت کریں! 

خیال رہے کہ 25 جولائی کو سرگودھا سے تعلق رکھنے والی 13 سالہ گھریلو ملازمہ کے ساتھ بدترین تشدد کا واقعہ رپورٹ ہوا تھا۔