پنجاب حکومت کا یوم اقلیت بھرپور طریقے سے منانے کا فیصلہ

(راؤ دلشاد) پنجاب حکومت نے 11 اگست کو یوم اقلیت بھرپور طریقے سے منانے کا فیصلہ کر لیا۔

یوم اقلیت کی مناسبت سے 11 اگست بروز اتوار پنجاب اسمبلی کا خصوصی اجلاس بلا لیا گیا ہے، اجلاس میں اقلیتی برادری کی نمایاں شخصیات شرکت کریں گی اور ایوان سے خطاب بھی کریں گی، اجلاس میں خصوصی قراداد بھی منظور کی جائے گی۔

یہ بھی پڑھیں: حکومت اور جماعت اسلامی کے درمیان تحریری معاہدہ منظرِ عام پر آگیا

اجلاس میں سابق اقلیتی اراکین اسمبلی، شعبہ تعلیم، صحت، بشپ صاحبان، سکھ اور ہندو کمیونٹی کے مختلف شعبوں میں نمایاں خدمات سرانجام دینے والی شخصیات کو مدعو کیا گیا ہے۔

واضح رہے کہ وزیراعلیٰ مریم نواز پنجاب اسمبلی اجلاس کے بعد اقلیتی برادری کے اعزاز میں عصرانہ دیں گی۔