حکومت کو جانا ہوگا،مزید رہی تو ملک کو  نقصان ہوگا،خاقان عباسی

(24نیوز) مسلم لیگ (ن) کے رہنما اور سابق وزیراعظم شاہد خاقان عباسی نے کہا ہے کہ یہ حکومت ڈلیور نہیں کر پارہی۔حکومت کو جانا ہی ہوگا۔مزید رہی تو ملک کو مزید نقصان ہوگا۔

تفصیلات کے مطابق سابق وزیراعظم شاہد خاقان عباسی کا کہنا تھا کہاستعفے تمام اسمبلیوں سے دئیےجائیں گے۔ تین چار ہفتے کا پراسس ہے جس میں جلسے، احتجاج اور شٹرڈاؤن شامل ہے۔انہوں نے کہا کہ جیسے ماضی میں ہوتا رہا ہے بات ویسے نہیں ہوگی، نیک نیتی کے ساتھ کرنا ہوگی۔

واضح رہے کہ اپوزیشن اتحاد پاکستان ڈیموکریٹک موومنٹ (پی ڈی ایم) کا لاہور جلسے کے بعد کا لائحہ عمل سامنے آگیا ہے۔ اسلام آباد میں اپوزیشن اتحاد کا اجلاس سربراہ مولانا فضل الرحمٰن کی سربراہی میں ہوا، اجلاس میں بلاول بھٹو زرداری، مریم نواز سمیت اپوزیشن کی تمام پارٹیوں کی قیادت نے شرکت کی۔