(مانیٹرنگ ڈیسک)لاہور کی مقامی عدالت نےاداکارہ خوشبو کی عبوری ضمانت 21 دسمبر تک منظور کر لی۔
تفصیلات کے مطابق لاہور کی مقامی عدالت میں ایڈیشنل سیشن جج نے اداکارہ خوشبو کی ضمانت پر سماعت کی،درخواست گزار کا موقف تھا کہ وہ شامل تفتیش ہونا چاہتی ہیں لیکن انہیں گرفتاری کا خدشہ ہے۔
ملزم کاشف نے اعتراف کرتے ہوئے بتایا کہ اداکاروں کی کپڑے بدلتے ویڈیو خوشبو کے کہنے پر بنائیں، عدالت نے ایف آئی اے سے رپورٹ طلب کرتے ہوئے اداکارہ خوشبو کی عبوری ضمانت منظور کرلی۔ایف آئی اے نے تھیٹر مالک ملک طارق محمود کی درخواست پر مقدمہ درج کیا۔عدالت نے اسی کیس میں منگل کے روز تھیٹر ڈائریکٹر اجمل، سمیع اللّٰہ اور عمران اختر کی عبوری ضمانت منظور کی تھی۔
یہ بھی پڑھیں: وکی کوشل کا سلمان خان کے سامنے کترینہ سے فلرٹ۔۔پھر کیا ہوا؟
واضح رہے کہ وفاقی تحقیقاتی ادارے (ایف آئی اے) سائبر کرائم ونگ نے گرفتار ملزم کاشف کے اعترافی بیان پر اداکارہ خوشبو کے خلاف مقدمہ درج کیا تھا۔ملزم کاشف نے اپنے بیان میں کہا تھا کہ فنکاروں کے لباس بدلنے کی ویڈیو اداکارہ خوشبو کے کہنے پر بنائیں۔
ایف آئی اے کو دیئے گئے بیان میں ملزم کا مزید کہنا تھا کہ اداکارہ خوشبو کی تھیٹر مالک ملک طارق اور دیگر فنکاروں سے تلخ کلامی ہوئی تھی۔ملزم کاشف نے یہ بھی کہا تھا کہ اداکارہ خوشبو نے مجھے اداکاروں کی کپڑے بدلتے ویڈیو بنانے پر معاوضہ بھی دیا تھا۔
یہ بھی پڑھیں: کترینہ اور وکی کوشل کی شادی۔۔۔نشریاتی حقوق کتنے میں فروخت ہوئے